Jurgen Klopp ka dhënë lëvdata të larta për Pep Guardiolën përpara ndeshjes së sezonit mes Liverpoolit dhe Manchester Cityt.
Liverpooli është nikoqir i Cityt në ndeshjen derbi të javës së 28-të të Ligës Premier dhe kjo ndeshje mund të vulos pak a shumë titullin kampion.
2 skuadrat janë në formë të lartë dhe në 2 pozitat e parë, duke bërë që tifozët e futbollit mezi të presin këtë përballje.
Para ndeshjes, trajneri i Reds, Klopp u përkujdes ta lavdëroj rivalin e tij, Guardiola, duke e cilësuar si më të mirin në botë.
“Pep është trajneri më i mirë në botë. Unë kam një jetë shumë të mirë duke qenë se nuk jam as afër kësaj”, ka thënë fillimisht Klopp.
“Nuk e di se si mund t’i gjykoj menaxherët nga e kaluara, por gjatë jetës sime ai është menaxheri i shquar. Unë shoh përsosmëri kur përballem me të dhe Pep është padyshim ky”.
“Sapo më thanë se kam një rekord pozitiv kundër Pep… Nuk e kam idenë se si ndodhi kjo për të qenë i sinqertë”.
“Më bëri një menaxher më të mirë duke u përpjekur të gjej zgjidhje. E di që jam mjaft i mirë edhe në atë që po bëj, nuk dua të tingëllojë si, “O Zot, jam i lumtur që jam këtu”, por ti më pyete për më të mirin: ai është më i miri”.
“Nuk mendoj se është një rivalitet, por e kuptoj pse e quani kështu. Nuk ka rivalitet. Të 2 jemi vërtet konkurrues, të 2 duam të fitojmë ndeshje futbolli dhe të 2 jemi të bekuar me lojtarë vërtet të mirë në ekipet tona”, shkruan Telegrafi.
“Nëse takohemi në të ardhmen do të jetë plot respekt. Nuk kemi pasur mundësi të takohemi më shpesh, por do të kishim shumë për të folur. Patjetër”, përfundoi gjermani.
