Komisioni Qendror i Zgjedhjeve në mbledhjen e sotme prezantoi raportin e peticioneve të pranuara nga kryesuesit e Kuvendeve Komunale Leposaviq, Zubin Potok, Zveçan dhe Mitrovicë e Veriut.
Në këtë mbledhje me 8 vota për asnjë kundër dhe 2 abstenime u votua 21 prilli si datë për mbajtjen e votimit të kryetarëve në komunat veriore të vendit.
Ku fillimisht u prezantua verifikimi i nënshkrimeve për shkarkimin e kryetarëve në katër komunat veriore.
“Nga komuna e Leposaviqit sipas shkresës njoftuese të pranuar nga kryesuesi i kuvendit komunal lista përmban 3 mijë e 30 nënshkrime të plotësuara në 204 faqe të peticionit.
Pas krahasimit me të dhënat e listës së votuesve që është ekstrakt i regjistrit qendror civil të bazuar në numrin personal, rezulton se 2.095 nënshkrues të peticionit janë qytetarë të Kosovës me të drejtë vote në Komunën e Leposaviqit. Pra numri i votuesve për komunën e Leposaviqit është 13.441 votues, ku 20% për këtë komunë i bie të jenë 2.689 votues. Andaj këto nënshkrime përbëjnë 20% të votuesve për këtë komunë.
Raporti i verifkimit të peticionit nga Komuna e Zubin Potokut.
Lista përmbanë 1.576 nënshkrime të plotësuara në 158 faqe. Pas krahasimit me të dhënat e listës së votuesve që është ekstrakt i regjistrit civil rezulton se 1.380 nënshkues të peticionit janë qytetarë të Kosovës me të drejtë vote në këtë komunë. Numri i votuesve për komunën e Zubin Potokut është 6.732 votues, ku 20% e votuesve për komunë i bie të jenë 1.347 votues. Andaj këto nënshkrime përbëjnë 20% të votuesve të kërkuar për peticion.
Verifikimi i peticionit nga Komuna e Zveçanit.
Lista përmbanë 1.834 nënshkrime të plotësuara në 185 faqe. Pas krahasimit me të dhënat e listës së votuesve që është ekstrakt i regjistrit civil në të rezulton se 1.714 nënshkues të peticionit janë qytetarë të Kosovës me të drejtë vote në komunën e Zveçanit. Numri i votuesve në këtë komunë është 7.052 votues, ku 20% e votuesve për komunë i bie të jenë 1.411 votues, shkruan Tëvë1.
Dhe e fundit nga Komuna e Mitrovicës së Veriut
Lista përmbanë 4.148 nënshkrime të plotësuara në 423 faqe. Pas krahasimit me të dhënat e listës së votuesve të bazuar në numër personal rezulton se 3.653 nënshkrues të peticionit janë qytetarë të Kosovës me të drejtë vote në Mitrovicën e Veriut. Numri i votuesve në këtë komunë është 18.199 votues, ku 20% e votuesve për komunë i bie të jenë 3.640. Andaj këto nënshkrime përbëjnë 20% të votuesve. Pra ky ishte raporti për verifikimin e nënshkrimeve nga peticioni për largimin e kryetarit sipas kërkesave të kryesuesve të komunave të lartë cekura”, tha Kryeshefi i Sekretariatit të KQZ-së, Burim Ahmetaj.
