Ministri i Punëve të Brendshme Xhelal Sveçla, ka uruar 7 marsin të gjithë mësimdhënësve, përcjell InLajmi.
Sveçla tha se më 7 mars të vitit 1887, 137 vite më parë, u vu gurëthemeli i parë i gjuhës e mësimit shqip. Që nga ajo kohë, mësueset e mësuesit me fisnikëri përcollën ndër breza dije e zhvilluan arsimimin shqip.
Ai tha se kontributi i mësimdhënësve veçanërisht në periudhat e vështira të popullit tonë, duke zhvilluar mësimin edhe në shtëpitë e tyre e duke mbjellur atdhedashurinë tek fëmijët atë kohë, ka lënë gjurmë të rëndësishme e të pashlyeshme në historinë tonë.
Tutje tha se me këtë datë uron të gjithë mësimdhënësit që me profesionin e tyre fisnik, në çdo ditë të punës së tyre, ofrojnë dije e ngrisin gjenerata të denja në shtetin tonë.
Ministri shtoi se nderonë mësimdhënësit që sot nuk janë mes nesh të cilët me këmbngulësi ndaj regjimeve, në gjuhën tonë shqipe na dhanë dije e shkencë dhe mbollën tek ne ndjenjën e atdhedashurisë, përkushtimit dhe kontributit për vendin tonë.
Postimi i plotë i tij:
Më 7 mars të vitit 1887, 137 vite më parë, u vu gurëthemeli i parë i gjuhës e mësimit shqip. Që nga ajo kohë, mësueset e mësuesit me fisnikëri përcollën ndër breza dije e zhvilluan arsimimin shqip.
Kontributi i mësimdhënësve veçanërisht në periudhat e vështira të popullit tonë, duke zhvilluar mësimin edhe në shtëpitë e tyre e duke mbjellur atdhedashurinë tek fëmijët atë kohë, ka lënë gjurmë të rëndësishme e të pashlyeshme në historinë tonë.
Me rastin e ditës së shënuar të 7 Marsit, uroj sot të gjithë mësimdhënësit që me profesionin e tyre fisnik, në çdo ditë të punës së tyre, ofrojnë dije e ngrisin gjenerata të denja në shtetin tonë.
Nderojmë mësimdhënësit tanë që sot nuk janë mes nesh të cilët me këmbngulësi ndaj regjimeve, në gjuhën tonë shqipe na dhanë dije e shkencë dhe mbollën tek ne ndjenjën e atdhedashurisë, përkushtimit dhe kontributit për vendin tonë.
Gëzuar 7 Marsin të gjithë mësimdhënësve kudo që janë, të cilët me përkushtim ngrisin e aftësojnë në rrugën e dijes e shkencës të rinjtë e të rejat e Republikës sonë! /InLajmi/
