Vendi nordik është tashmë zyrtarisht anëtar i Aleancës ushtarake perëndimore.
Kryeministri suedez, Ulf Kristersson, ka qenë sot në Uashington për të dorëzuar dokumentet përfundimtare për këtë çështje.
Kjo do të thotë se nëse Suedia sulmohet, anëtarët e tjerë të aleancës do të jenë të detyruar ta mbrojnë atë.
Duke folur pas pranimit të Suedisë, sekretari amerikan i shtetit, Antony Blinken, tha se aleanca e NATO-s është tani më e fortë dhe më e madhe se kurrë, shkruan Sky News.
Ndërkohë, sekretari i përgjithshëm i NATO-s, Jens Stoltenberg, e përshëndeti masën si “historike”.
“Pas mbi 200 vitesh mos-angazhim, Suedia tani gëzon mbrojtjen e dhënë sipas nenit 5, garancia përfundimtare e lirisë dhe sigurisë së aleatëve”, tha Stoltenberg në një deklaratë, transmeton Klan Kosova
“Suedia sjell me vete forca të armatosura të afta dhe një industri të mbrojtjes të klasit të parë. Pranimi i Suedisë e bën NATO-n më të fortë, Suedinë më të sigurt dhe të gjithë Aleancën më të sigurt,” shtoi ai.
