Këtë të enjte Partia Socialdemokrate ka mbajtur një aksion simbolik për të kundërshtuar Projektligjin e ri për Këshillin Prokurorial të Kosovës, raporton InLajmi.
Anëtari i Kryesisë së Partisë Socialdemokrate Zgjim Hyseni, tha se çfarë po kundërshtojnë këtë të enjte është ligji për Këshillin Prokurorial të Kosovës, duke shtuar se prej kur ka filluar mandatin Qeveria Kurti është drafti i 3-të mbi KPK-në.
“Çka po kundërshtojmë sot është ligji për Këshillin Prokurorial të Kosovës. Prej se ka nisur punën në fakt prej se kanë nisur mandatin Qeveria Kurti është drafti i 3-të mbi KPK. Draftin e parë i kanë rënë shkurt, 4 anëtarë i zgjedhin prej Kuvendit me shumicë të thjeshtë, edhe 3 prej prokurorëve. Kjo i bie kryeprokurorin me mujt me zgjedh kryeministri. Pasi që komisioni i Venecias ia ka asgjësua ketë ligj e kanë bërë strategjinë pak më perfide. Shërbëtoret më shkollë të Kurtit thanë tash shumica ka me qene e prokuroreve, sepse shumica me qenë e zgjedhur prej politikës nuk është as në Shqipëri as Serbi”, tha ai.
Tutje tha se këshilli aktual i ka 13 anëtarë, e kanë rrit këshillin aktual për përudhen tranzicionale në 18, plus 5 anëtarë krejt.
“Qysh e kanë menduar tash, kontrollin perfid, shumicë janë prokuror por pa u pajtuar anëtaret e zgjedhur prej politikës as një vendim me rëndësi nuk mundet me u marr. Këta i kanë dhënë veto me draftin e 2-të anëtarëve të zgjedhur prej politikës, ky është cenim i balancit edhe autonomisë së sistemit të drejtësie, edhe këtë draft ja ka hedh poshtë Gjykata Kushtetuese. Tash hilja është te një periudhë tranzicionale. Këshilli aktual i ka 13 anëtarë, e kanë rrit këshillin aktual për përudhen tranzicionale në 18, plus 5 anëtarë krejt. Secili prej tyre ka me u zgjedh prej Kuvendit, pra me krijuar shumicën tash në mënyrë që me zgjedh kryeprokurorin. E kryeprokurori është një prej anëtarëve në atë përbërjen 4 me 3, pra matematika e tyre është një e kam në mënd. Pra po duan me zgjedh kryeprokurorin duke e rrit këshillin aktual”, deklaroi ai.
Kjo parti në hyrje të Kuvendit të Kosovës ka vendosur një kukull me fotografinë e Kurtit të veshur me togë të prokurorit, e në të cilën shkruan “Dua të bëhem prokuror”.
