Presidentja e Kosovës, Vjosa Osmani ka takuar mësuesen e saj, Xhevahiren, për të cilën tha se ka triumfuar në një nga betejat më të vështira jetësore, duke e mposhtur 2 herë radhazi kancerin, përcjellë InLajmi.
Osmani tha se mësuesja e saj vazhdon të lërë gjurmë të pashlyeshme në punën e çdoditshme me brezin e ri.
Ajo shtoi se dija është rruga më e sigurt për të ardhmen dhe mirëqenien ndaj mësueses Xhevahire, urime Ditën e Mësueses dhe punë të mbarë në misionin tuaj fisnik.
Njoftimi i Plotë i Zyrës Presidenciale së Kosovës:
Mësuesja Xhevahire ka triumfuar në një nga betejat më të vështira jetësore, duke mposhtur dy herë radhazi kancerin.
Pavarësisht kësaj, me forcë, guxim dhe angazhim të jashtëzakonshëm, ajo vazhdon të lërë gjurmë të pashlyeshme në punën e çdoditshme me brezin e ri.
Dija është rruga më e sigurt për të ardhmen dhe mirëqenien, ndaj mësuese Xhevahire, urime Ditën e Mësueses dhe punë të mbarë e shëndet në misionin tuaj fisnik!/InLajmi/
