Ministrja e Arsimit e Shkencës dhe Teknologjicë Arbërie Nagavci, me rastin e 7 marsit ka uruar të gjithë mësimdhënësit për këtë datë, përcjell InLajmi.
Nagavci tha se në këtë ditë të rëndësishme i ka falenderuar për punën dhe përkushtimin në arsimimin e brezave të rinj, duke shtuar se roli tyre në procesin edukativo-arsimor është shumë i rëndësishëm për zhvillimin e përgjithshëm të shoqërisë.
Ajo tutje tha se prioriteti i tyre si Ministri e Arsimit është të përmirësojmë cilësinë në arsim, duke rregulluar infrastrukturën ligjore dhe fizike, dhe se janë duke punuar në shumë drejtime për të avancuar pozitën e mësimdhënësit dhe për të ofruar kushte e politika arsimore që garantojnë mësimdhënie dhe mësimnxënie cilësore.
Gjithashtu ministrja shprehu mirënjohje pa fund për të gjithë mësimdhënësit për kontributin e çmuar të tyre në formësimin e të ardhmes sonë.
Postimi i plotë i saj:
Të dashur mësimdhënës,
Urime Dita e Mësuesit!
Në këtë ditë të rëndësishme, ju falenderoj për punën dhe përkushtimin tuaj në arsimimin e brezave të rinj. Roli juaj në procesin edukativo-arsimor është shumë i rëndësishëm për zhvillimin e përgjithshëm të shoqërisë.
Prioriteti ynë si Ministri e Arsimit është të përmirësojmë cilësinë në arsim, duke rregulluar infrastrukturën ligjore dhe fizike. Andaj, jemi duke punuar në shumë drejtime për të avancuar pozitën e mësimdhënësit dhe për të ofruar kushte e politika arsimore që garantojnë mësimdhënie dhe mësimnxënie cilësore.
Mirënjohje pa fund për të gjithë mësimdhënësit për kontributin e çmuar të tyre në formësimin e të ardhmes sonë. /InLajmi/
