Kryeministri i Suedisë ka reaguar pas lajmit se vendi i tij është bërë anëtari më i fundit i NATO-s.
Ulf Kristersson tha se “uniteti dhe solidariteti do të jenë dritat udhëzuese të Suedisë si një anëtare e NATO-s.
“Ne do të ndajmë barrën, përgjegjësitë dhe rreziqet me aleatët tanë”, pohoi shefi i qeverisë suedeze.
Ai paralajmëroi se “Rusia do të mbetet një kërcënim serioz për sigurinë euro-atlantike”.
Suedia, e cila u bë sot anëtarja e 32-të e aleancës ushtarake në një ceremoni në Uashington, ka ndryshuar qëndrimin e saj historikisht neutral në përgjigje të kërcënimit nga shteti rus, shkruan skynews.
Ndryshe, një ceremoni e ngritjes së flamurit është planifikuar në selinë e aleancës në Bruksel të hënën për të shënuar ceremonialisht pranimin.
Kujtojmë se fqinja e Suedisë, Finlanda iu bashkua aleancës më 4 prill. Me 2 vendet nordike në aleancë, NATO kontrollon pothuajse të gjithë Detin Baltik një goditje strategjike për Rusinë, transmeton Telegrafi
Suedia ka gjithashtu një ushtri të pajisur mirë dhe një industri të fortë armësh. Vendi synon të shpenzojë 2.1 % të GJDP-së për mbrojtjen këtë vit, mbi objektivin e NATO-s dhe pothuajse dyfishin e asaj që shpenzonte deri në vitin 2020.
