Kryeministri i Maqedonisë së Veriut, Talat Xhaferi, ka vizituar Prekazin me rastin e 26-vjetorit të “Epopesë së Ushtrisë Çlirimtare të Kosovës”, përcjellë InLajmi.
Pas homazheve që bëri në kompleksin memorial, kryeministri Xhaferi u prit në kullën e Jasharëve nga Rifat Jashari.
Ai tha se Të jetosh me amanetin e këtij mbiemri që e di edhe fëmija më e vogël në Kosovë, është nder, është përgjegjësi.
Të kujtojmë, jo për të ripërtërirë plagët, por për të mos harruar sakrificën e Jasharajve për të gëzuar lirinë që ekziston sot, përfundoi Xhaferi.
Postimi i plotë i tij:
Nuk ka mundësi që në një ditë kaq të rëndësishme dhe njëherazi aq të dhimbshme për Republikën e Kosovës, të mos shpreh nderimet e mia në Qendrën Memoriale në Prekaz me përkulje dhe vënie të luleve të freskëta. Me ndjenjë pikëllimi, por edhe krenarie, vizitova së bashku me kryetarin e Komunës së Drenasit, Ramiz Lladrovcin, edhe familjarët e komandantit legjendar Adem Jashari, plakun e urtë, Rifatin, Lulin, Bekimin dhe të tjerë. Të jetosh me amanetin e këtij mbiemri që e di edhe fëmija më e vogël në Kosovë, është nder, është përgjegjësi. Të kujtojmë, jo për të ripërtërirë plagët, por për të mos harruar sakrificën e Jasharajve për të gëzuar lirinë që ekziston sot.
Lavdi përjetësisht!/InLajmi/
