Me rastin e 26 vjetorit të Epopesë së UÇK-së, kryetari i Komunës së Vushtrrisë Ferit Idrizi, ka bërë homazhe në Kompleksin Memorial “Adem Jashari” në Prekaz, raporton InLajmi.
Idrizi tha se në këtë ditë në 26-vjetorin e rënies patëm nderin që kemi edhe të ftuar në zbulimin e shtatorëve të bacës Hamit dhe nënës Salë Jashari të cilat ia shtuan madhështinë dhe kuptimin këtij Kompleksi Memorial.
Tutje tha se në Prekaz është bashkë me Qeverinë Komunale dhe me përfaqësues të familjeve të dëshmorëve për të nderuar sakrificën sublime të familjes Jashari.
“Po në këtë ditë në 26-vjetorin e rënies patëm nderin që kemi edhe të ftuar në zbulimin e shtatorëve të bacës Hamit dhe nënës Salë Jashari të cilat ia shtuan madhështinë dhe kuptimin këtij Kompleksi Memorial. Jemi sot këtu bashkë me Qeverinë Komunale dhe me përfaqësues të familjeve të dëshmorëve për të nderuar sakrificën sublime të familjes Jashari. Jemi këtu te vendi ku u vendos guri i themelit të shtetit të Kosovës”, tha ai. /InLajmi/
