Me rastin e 26 vjetorit të Epopesë së UÇK-së Ministri i Pushtetit Lokal Elbert Krasniqi, ka bërë homazhe në Prekaz për të nderuar sakrificën e familjes heroike Jashari, përcjell InLajmi.
Krasniqi tha se të gjithë dhe secili duhet të vijnë në këtë vend, që të mos harrojmë dhe që të mos devijojmë. Që të mos e harrojmë të kaluarën dhe që të mos devijojmë drejt së ardhmes.
Ai tha se lufta e tyre dhe përpjekja titanike për liri dhe mosnënshtrim janë themelet e pavarësisë së shtetit tonë.
Postimi i plotë i tij:
Për nder të përvjetorit të 26-të të Epopesë së UÇK-së bëmë homazhe në Prekaz për të nderuar sakrificën e familjes heroike Jashari.
Të gjithë dhe secili duhet të vijnë në këtë vend, që të mos harrojmë dhe që të mos devijojmë. Që të mos e harrojmë të kaluarën dhe që të mos devijojmë drejt së ardhmes.
Lufta e tyre dhe përpjekja titanike për liri dhe mosnënshtrim janë themelet e pavarësisë së shtetit tonë.
Lavdi Kryekomandantit Adem Jashari, Familjes Jashari, Ushtrisë Çlirimtare të Kosovës dhe të gjithë dëshmorëve e martirëve të kombit. /InLajmi/
