Kënga “Meant To Be” e artistes shqiptare me famë botërore, Bebe Rexha, ka arritur të pozicionohet në vendin e parë si kënga më e dëgjuar e muzikës country në të gjitha kohërat në Mbretërinë e Bashkuar.
Kënga e realizuar në bashkëpunim me duon Florida Georgia Line, u lançua për herë të parë në vitin 2017 si pjesë e EP-së së Rexhës, të titulluar “All Your Fault Pt. 2”. Në Shtetet e Bashkuara, ajo u ngjit deri në vendin e dytë në Billboard Hot 100.
“Meant To Be” udhëheq listën e këngëve më të transmetuara të muzikës country në Mbretërinë e Bashkuar me një total prej 175 milionë transmetimesh, duke lënë pas performues të tjerë legjendarë të muzikës country. Kënga “9 to 5” e Dolly Parton renditet e 2-ta me 166 milionë transmetime dhe “Take Me Home Country Roads” e John Denver zë vendin e 3-të me 154 milionë transmetime.
Taylor Swift gjithashtu është pjesë e kësaj liste me baladën e saj “Love Story” në vendin e 4-t, ndërsa Dolly Parton bën paraqitjen e 2-të në top 5 me këngën e saj klasike në duet me Kenny Rogers “Islands In the Stream”, e cila gjendet në vendin e 5-të.
Official Charts që është kalkulatori më i madh i këngëve në Mbretërinë e Bashkuar, ka publikuar së fundmi listën me 10 këngët më të dëgjuara të zhanrit country, në histori të Mbretërisë së Bashkuar, shkruan A2CNN.
Lista zyrtare:
- “Meant To Be” – Bebe Rexha ft. Florida Georgia Line
- “9 To 5” – Dolly Parton
- “Take Me Home Country Roads” – John Denver
- “Love Story” – Taylor Swift
- “Islands In The Stream” – Dolly Parton & Kenny Rogers
- “The Gambler” – Kenny Rogers
- “Need You Now” – Lady A
- “Say Something” – Justin Timberlake ft. Chris Stapleton
- “Before He Cheats” – Carrie Underwood
- “Tennessee Whiskey” – Chris Stapleton
