Ministri i Mbrojtjes, Ejup Maqedonci, në takim me anëtarët e Komitetit të Sigurisë dhe Mbrojtjes së Bundestagut gjerman, përcjell InLajmi.
Maqedonci thekson se e njoftoi kryetaren e Komitetit Marie Agnes Strack Zimmermann dhe anëtarët e këtij komiteti mbi situatën e sigurisë në vend, kërcënimin që paraqesin bazat ushtarake të Serbisë të vendosura përgjatë kufirit me Kosovën për stabilitetin e vendit dhe rajonit.
Minstri i mbrojtjes shprehn mirënjohje për anëtarët e komitetit për mbështetjen e gjatë të shtetit gjerman ndaj Republikës së Kosovës, praninë e shtuar të trupave gjermane në kuadër të KFOR-it.
Postimi i plotë i tij:
Ishte kënaqësi që sot të pres në takim anëtarët e Komitetit të Sigurisë dhe Mbrojtjes të Bundestagut gjerman.
Në këtë takim produktiv e njoftova kryetaren e Komitetit, znj. Marie Agnes Strack Zimmermann dhe anëtarët e këtij komiteti mbi situatën e sigurisë në vend, kërcënimin që paraqesin bazat ushtarake të Serbisë të vendosura përgjatë kufirit me Kosovën për stabilitetin e vendit dhe rajonit, gjë që duhet të ishte shqetësim për gjithë faktorin ndërkombëtar, ndërsa i informova dhe për kapacitetet aktuale që FSK ka për të garantuar mbrojtjen e tërësisë territoriale të Republikës së Kosovës dhe jetës së qytetarëve tanë.
Ritheksova se synimi ynë si shtet është anëtarësimi në NATO, sipas standardeve të së cilës aleancë po vazhdojmë implementimin e Planit Gjithëpërfshirës të Tranzicionit, ndërtimin e kapaciteteve profesionale dhe operacionale të ushtrisë tonë.
Shpreha mirënjohjen time anëtarëve të komitetit për mbështetjen e gjatë të shtetit gjerman ndaj Republikës së Kosovës, praninë e shtuar të trupave gjermane në kuadër të KFOR-it, si dhe angazhimin e këtij komiteti në drejtim të thellimit të bashkëpunimit ndërmjet vendeve tona në fushën e sigurisë dhe mbrojtjes, si 2 shtete që ndajmë interesa të përbashkëta.
Ky partneritet do të jetë i gjatë dhe i pashkëputshëm./InLajmi/
