Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 27 shkurt.
27 shkurt 1914 – Kapiteni Fethi dhe togeri Sadik, dy pilotë të ushtrisë turke, u martirizuan kur avioni “Muavenet-i Milliye”, i cili realizonte linjën Damask-Jerusalem dhe drejtohej prej tyre, u përfshi nga turbulenca dhe ra në afërsi të lokalitetit Taberiye të Damaskut. Pilotët Fethi dhe Sadik janë dëshmorët e parë të historisë së aviacionit turk.
27 shkurt 1933 – Ndërtesa e Parlamentit të Gjermanisë (Reichstag) u shkatërrua nga zjarri vetëm pak kohë pasi Adolf Hitleri ishte emëruar në postin e kancelarit. Hitleri akuzoi menjëherë komunistët dhe kjo bëri të mundur që Presidenti Hindenburg të miratojë më 23 mars aktin që eliminoi të drejtat dhe liritë individuale duke i dhënë qeverisë, rrjedhimisht Hitlerit, kompetenca diktatoriale. Më pas u ndaluan aktivitetet e të gjitha forcave politike, me përjashtim të asaj naziste, kurse 181 deputetët dhe drejtuesit e Partisë Komuniste u arrestuan.
27 shkurt 2010 – Një tërmet me magnitudë 8,8 ballë sipas shkallës Rihter goditi shtetin e Kilit. Kjo fatkeqësi natyrore shkaktoi vdekjen e 521 njerëzve, plagosjen e mijëra të tjerëve dhe dëme materiale shumë të mëdha. Lëkundjet e tokës u ndjenë deri në kryeqytetin Buenos-Ajres të Argjentinës.
27 shkurt 2014 – Filloi të shënohet “Dita Botërore e Ariut Polar”. Kjo datë synon të krijojë ndërgjegjësim për arinjtë polarë, të cilët përballen me rrezikun e zhdukjes si pasojë e ngrohjes globale dhe ndryshimeve klimatike. Sipas parashikimeve, në botë kanë mbetur jo më shumë se 20-25.000 arinj polarë në total.
