Drejtori i Doganës së Kosovës, Agron Llugaliu, gjatë raportimit për të hyrat e vitit 2023 në Komisionin për Buxhet, Punë dhe Transfere, deklaroi se që nga hyrja në fuqi e Rregullores së re të Bankës Qendrore nuk ka pasur hyrje të valutës së dinarit në Kosovë, raporton InLajmi.
Ai njoftoi anëtarët e komisionit se ka pasur 2 tentime për të futur dinarë në Kosovë por nuk është lejuar hyrja e tyre.
“Sa i përket importi të dinarëve, ministria ka kërkuar që në viti 2021 për të trajtuar aspektin e ligjshmërisë të çështjeve të dinarit. Kemi pasur një studim të çështjes dhe kemi ngritur të BQK-ja. Rregullorja e BQK e ka rregulluar këtë çështje. Me rregulloren e re është specifikuar. Tani as një lëvizje nuk mund të bëhet pa prezantuar autorizimin”, u shpreh Llugali.
Për Rregulloren e BQK-së, foli edhe deputeti i AAK-së Pal lekaj, i sili u shpreh se ështja e ndalimit të dinarit nuk ѱshtë dashur të diskutohej në Këshillin e Sigurimit në OKB.
Ai gjithashtuy kërkoi informata nëse ka pas vendit të BQK-së ka pasur ndonjë rast që dinari serb ka hyrë në Kosovë
“Ajo që më intereson si deputet është se pse ka vazhduar permanent nga të gjitha qeveri që dinari të mirët si valutë në mënyrë jo ligjore. Nuk guxojmë që ta përvetësojmë një rregullore të brendshme dhe çështja të shkoj deri në Këshillë të Sigurimit për diçka që është ligjore. Ne duhet të jemi më të matur sa i përket që problemin e dinarit mos ta shndërrojmë nëpër tavolina as në Bruksel e sidomos në Këshillë të Sigurimit. Pas hyrjes së rregullore së BQK-së a ka pasur hyrje të dinarit”, ka pyetur ai.
Por Llugaliu e pranon se ka pasur tendenca për të sjellë dinarë në Kosovë por që ato tha se janë parandaluar.
“Ka pasur disa tentime që kanë provuar që të sjellin parë dinarë në procedurën që ka qenë më herët. Dogana e Kosovës menaxhimin e parës deri me tash e ka pasur në saj të ligjit për pastrim parave. Nuk qëndron që ka pasur hyrje të dinarit. 2 raste që janë paraqitur në pikë kalimin kufitar dhe normalisht i kemi njoftuar që çfarë do importi parasë duhet të bëhet në bazë të rregullores”, u shpreh ai.
Në komisioni ka raportuar edhe ministri Hekuran Murati./InLajmi/
