Ministrja e Drejtësisë Albulena Haxhiu, këtë të premtë është takuar me delegacionin e përbërë nga partitë shqiptare në Maqedoninë e Veriut, përcjell InLajmi.
Haxhiu tha se ishte një takim i përzemërt me politikanet e partive shqiptare në Maqedoninë e Veriut shkëmbyem përvojat dhe sfidat që LVV, i ka pasur përgjatë angazhimit të saj politik.
Ajo tha se i njoftoi për angazhimin e madh të aktivisteve të Lëvizjes në rritjen e anëtareve vajza dhe grave dhe shtyerjen e politikave feministe.
Ministrja tute u uroj shumë suksese dhe ofroi bashkëpunim dhe përvojën e tyre në organizimin e aktiviteteve të përbashkëta.
Postimi i plotë i saj:
Sot pritëm në takim delegacionin e përbërë nga partitë shqiptare në Maqedoninë e Veriut!
Në një takim të përzemërt, me politikanet e partive shqiptare në Maqedoninë e Veriut shkëmbyem përvojat dhe sfidat që Lëvizja VETËVENDOSJE, i ka pasur përgjatë gjithë angazhimit të saj politik, sikurse edhe i njoftuam për angazhimin e madh të aktivisteve të Lëvizjes në rritjen e anëtareve vajza dhe grave dhe shtyerjen e politikave feministe.
Iu uruam shumë suksese dhe ofruam bashkëpunimin dhe përvojën tonë në organizimin e aktiviteteve të përbashkëta. /InLajmi/
