Më shumë se 20 milionë njerëz me origjinë të huaj jetojnë në Gjermani. Shumica prej tyre flasin gjermanisht në shtëpi. Por ka dallime.
Edhe ata që kanë prejardhje të huaj flasin zakonisht gjermanisht në shtëpi. Kjo vlen për më shumë se tre të katërtat e njerëzve nga ky grup i popullsisë, njoftoi Zyra Federale e Statistikave Destatis me rastin e Ditës Ndërkombëtare të Gjuhës Amtare më 21 shkurt.
Pothuajse një e katërta rreth 24% e rreth 20.2 milionë njerëzve sa jetojnë në Gjermani me origjinë të huaj flisnin vetëm gjermanisht në shtëpi në vitin 2022. Më shumë se gjysma pothuajse 54% komunikonin në shtëpi në të paktën edhe një gjuhë tjetër, që do të thotë se në shtëpi flasin të paktën 2 gjuhë.
Përveç gjermanishtes, më së shumti flasin turqisht
Sa i përekt përhapjes së gjuhëve të tjera në shtëpi, sipas studimeve të fundit, pothuajse 23% e njerëzve komunikojnë në shtëpi duke përdorur një ose më shumë gjuhë të tjera. Në shtëpitë ku përdoren edhe gjuhë të tjera, më së shpeshti flitetturqishtja 14%. Më pas vjen rusishtja me rreth 12%, arabishtja me 10%, polonishtja me shtatë, anglishtja me 6 dhe rumanishtja me 5%. Fjala është pra për përqindjen e shtëpive ku fliten 2 ose më shumë gjuhë.
Ka dallime të qarta midis brezit të parë dhe të 2-të të të ardhurve. 27% e emigrantëve që kanë ardhur kohë më parë në Gjermani dhe konsiderohen si brezi i parë i të huajve në këtë vend, nuk flasin gjermanisht. Ndërsa në brezin e 2-të kjo vlen vetëm për nëntë për qind. Sipas Destatis, një person ka një histori imigrimi nëse ai ose të 2 prindërit kanë ardhur në Gjermani që nga viti 1950 e më pas, shkruan DW.
Nëse merren parasysh të gjitha familjet private në Gjermani, pothuajse 79% e njerëzve flisnin në shtëpi vetëm gjermanisht në vitin 2022. Pothuajse 16% përdorën të paktën edhe një gjuhë tjetër, njoftoi Byroja Federale e Statistikave.
