Pas dështimit të mbledhjes së kryesisë së Kuvendit, deputeti nga radhët e Aleancës për Ardhmërinë e Kosovës Besnik Tahiri, tha se janë mbledhur mbi 60 pika të rendit të ditës, raporton InLajmi.
“Si e pat edhe sot dështoi mbledhja e kryesisë, janë mbledhur 62 pika dite, kjo agjendë tani ka disa ligje e prej tyre disa janë të reja që prekin qytetarët”, tha ai.
Deputeti tha se si parti janë duke punuar që të enjten pikë të parë ta kenë seancën e jashtëzakonshme me 40 nënshkrime për trajtimin e ligjit për sigurime shëndetësore.
“Si Aleancë jemi duke punuar qe të enjten pikë të parë të kemi seancën e jashtëzakonshme me 40 nënshkrime për trajtimin e ligjit për sigurime shëndetësore. Kosova ka shumë probleme që kërkojnë zgjedhje por një prej pikave që kërkojnë trajtim urgjent është sigurimi shëndetësor për qytetarët e Kosovës. Për me iu sëmur dikush në familje në Kosovë, duhet të hyj në borxh të thellë”, u shpreh deputeti i AAK-së
Ai tha se marrëdhëniet e Kosovës me ndërkombëtarët asnjëherë nuk kanë qenë më keq dhe se Kosova është nën sanksione.
“Marrëdhëniet e Kosovës me ndërkombëtar kurrë s’kanë qenë më keq, Kosova është nën sanksione, kur të huajt e trajtojnë Kosovën si palë. Kosova zyrtare e ka euron, s ka asnjë dilemë ne jemi kundër dhe dinari as në pjesën veriore as këndej me qenë valutë”, u shpreh Tahiri.
Tahiri tha se Kurti flet veç nën tema por nuk rrin në tema, nuk është i qëndrueshëm.
“Ky i joni Kurti veç flet nën tema por s rrin në tema, nuk është i qëndrueshëm e për me pas marrëdhënie të shëndosh duhet te dalin këto 3 vendime. Ai është i zënë me tema tjera, e kënaq një batutë, një ecje, e inskenuar gjoja po sulmohet u bëmë gazë i botes e udhëheqësit ë përgjegjshëm marrin vendime të caktuar, asnjë njohje, rritje pagash”, tha ai./InLajmi/
