Sot kanë hyrë në grevë punëtorë teknikë dhe të sigurimit fizik të Universitetit te Prishtinës dhe të Qendrës Studentore.
Kryetari i Sindikatës së Punëtorëve të Sektorit Privat, Jusuf Azemi, deklaroi se greva nisi me të vetmen kërkesë që pagat e tyre të jenë të nivelit të punëtorëve të sektorit publik që punojnë po të njëjtën punë.
“250 punëtorë janë në grevë. Paga te punëtorët e UP-së është 270 euro dhe 250 euro, dhe pagat e punëtorëve në qendrën studentore janë 290 euro”, deklaroi Azemi.
Tutje ai u shpreh se kanë pothuajse një vit që po diskutojnë me institucione relevante, por se ata nuk e kanë një dëshirë që të ulen e të bisedojnë për problemet të cilat këta i kanë.
“Ne disa herë në formë elektronike dhe në formë fizike i kemi shkruar se ne me ndërrimin e kësaj kontrate nuk do të punojmë me këtë pagë, dhe ata nuk kanë shprehur interesim që të ulemi e bisedojmë për këtë çështje, dhe në fakt ne kemi hyrë në greve të vetëdijshëm që përpara mund të kemi edhe njerëz të cilët nuk duan të dialogojnë”.
“Të gjitha këto i kemi matur mirë dhe e kemi bërë grevë të premten, ndërsa të martën e kemi lënë si ditë që të dialogojmë, por këta nuk kanë qenë të gatshëm dhe sot është filluar greva nga ora shtatë dhe deri në përfundim të kësaj greva do të vazhdojë dhe nuk do të japim ditë që të dialogojmë”, shkruan Klan Kosova.
“Jemi të gatshëm për dialog, por më nuk do të bëjmë të punojmë një ditë e pastaj të japim shansin e dialogimit”, përfundoi Azemi.
