Zëvendëskryeministrja dhe Ministrja e Punëve të Jashtme dhe Diasporës e Republikës së Kosovës, Donika Gërvalla, në takim nga Ministri për Evropë dhe Marrëdhënie Ndërkombëtare i Austrisë, Alexander Schallenberg, përcjell InLajmi
Gëvalla njofton se diskutuan rreth thellimit të bashkëpunimit bilateral dhe mbështetjen e Kosovës në procesin e integrimit në Bashkimin Evropian.
Ministrja e Punëve të Jashtme dhe Diasporës e njoftoi Schallenberg rreth proceseve të brendshme politike në vend, duke prezantuar progresin e arritur në demokratizim, sundim të ligjit, rritje ekonomike, respektim të të drejtave të njeriut, liri të mediave dhe infrastrukturë moderne për investime ndërkombëtare.
Po ashtu, temë tjetër me rëndësi e diskutuar mes 2 ministrave ishte edhe informimi në detaje rreth veprimeve destabilizuese të Serbisë, si sulmi në Banjskë, sulmi ndaj KFOR-it dhe veprime tjera që rrezikojnë paqen dhe stabilitetin në Ballkanin Perëndimor.
Postimi i plotë i saj:
Në frymë tejet miqësore, në kuadër të vizitës zyrtare në Austri, takova Ministrin për Evropë dhe Marrëdhënie Ndërkombëtare të Austrisë, z. Alexander Schallenberg, me të cilin diskutuam rreth thellimit të bashkëpunimit bilateral dhe mbështetjen e Kosovës në procesin e anëtarësimit në Bashkimin Evropian.
E njoftova homologun austriak rreth proceseve të brendshme politike në vend, duke prezantuar progresin e arritur në demokratizim, sundim të ligjit, rritje ekonomike, respektim të të drejtave të njeriut, liri të mediave dhe infrastrukturë moderne për investime ndërkombëtare.
Gjithashtu e njoftova në detaje për veprimet destabilizuese të Serbisë, si sulmi në Banjskë, sulmi ndaj KFOR-it dhe veprime tjera që rrezikojnë paqen dhe stabilitetin në Ballkanin Perëndimor si dhe e falënderova për mbështetjen dhe kontributin e dhënë në procesin e liberalizimit të vizave për Kosovën./InLajmi/
