Kryesuesi i Kuvendit Komunal të Mitrovicës së veriut, Nexhat Ugljanin, ka thënë se pagesat e energjisë elektrike në veri të vendit do të nisin për muajin janar deri në muajin prill.
Po ndërmerren hapat e fundit për të filluar pagesën e energjisë elektrike të shpenzuar në veri të Kosovës.
Në 4 komunat atje, fillimisht po bëhet regjistrimi i amvisërive për pagesën paushall të rrymës së shpenzuar.
Në fund të prillit pritet të përfundoi instalimi i njehsorëve elektrik dhe pagesa reale e energjisë së shpenzuar.
Këtyre ditëve në 4 komunat në veri të Kosovës fillon regjistrimi i amvisërive. Kjo për pagesën e energjisë së shpenzuar elektrike.
Kryesuesi i Kuvendit Komunal të Mitrovicës së veriut, Nexhat Ugljanin, ka thënë këtë të martë se ekipet e Elektrosever, këtë punë, në këtë komunë, do t’ia fillojnë të enjten, më 22 shkurt.
“Më 22 do t’ia nisim regjistrimet banesore dhe shtëpiake në lagjen e boshnjakëve dhe në tjera lagje që si kanë evidentu ato raste për pagesën paushall që është 20 euro, tani do shkoj procesi për orët që është i obligueshëm elektroserver. Pagesat do bëhen për muajin e janarit dhe do zgjatë sigurisht sipas njoftimit deri në prill sepse elektroserver ka marrë detyrën që do ti kryej instalimin e orëve në pjesën veriore”, ka deklaruar ai.
Pagesa paushall do të zgjas deri në muajin prill, kur duhet të kryhet edhe procesi i instalimit të njehsorëve elektrik, me të përfunduar regjistrimi i amvisërive.
Nga përfundimi i luftës në Kosovë e deri në vitin 2017, rrymën për serbët e veriut e kanë paguar qytetarë të pjesëve të tjera të Kosovës, shkruan Dukagjini.
Nga 2017-ta për shkak të ankesave të shumta, përgjegjësia për pagesën kaloi te Qeveria e Kosovës.
