Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 20 shkurt.
20 shkurt 1872 – Në Nju-Jork të SHBA-së hapet Muzeu i Arteve Metropolitan (Metropolitan Museum of Art), i cili është njëri prej muzeve më të mëdha dhe më të rëndësishme në botë.
20 shkurt 1914 – Në Stamboll hyri në shërbim tramvaji i parë elektrik. Tramvajet e parë në Stamboll, kishin nisur të përdoreshin në vitin 1860. Këto tramvaje tërhiqeshin me kuaj, kurse në vitin 1914 u zëvendësuan me tramvajet elektrike.
20 shkurt 1970 – Presidenti i Turqisë i asaj kohe, Xhevdet Sunaj (Cevdet Sunay) dhe Kryeministri, Sylejman Demirel (Suleyman Demirel) me një ceremoni të organizuar hodhën themelet e urës mbi Ngushticën e Bosforit. Ndërtimi i kësaj ure që lidh kontinentet e Azisë dhe Evropës, përfundoi brenda 3 vitesh. Kjo është njëra prej tre urave të varura mbi Ngushticën e Bosforit që lidh Detin e Zi me Detin Marmara.
20 shkurt 1988 – Në Rajonin Autonom të Karabakut Malor të Azerbajxhanit u mbajt referendumi për t’u bashkuar me Armeninë. Kjo ngjarje u bë shkak për fillimin e Luftës së Karabakut mes Armenisë dhe Azerbajxhanit.
1879 – Lindi Luigj Gurakuqi veprimtar i çështjes kombëtare, hartues dhe nënshkrues i Deklaratës së Pavarësisë së Shqipërisë, poet, arsimtar, tekstolog, gjuhëtar, diplomat, deputet. Është një nga personalitetet më të shquara të lëvizjes sonë kombëtare, arsimore e kulturore në fundin e Rilindjes Kombëtare dhe të fillimeve të Pavarësisë duke përjetuar ngjarjet më kulmore të jetës së vendit në çerekun e parë të shekullit tonë në shumicën e të cilave në mos organizator, qe pjesëmarrës i drejtpërdrejtë. Shkollën fillore e të mesme i ndoqi në Kolegjin Saverian në rendin tekniko-tregtar, prej ku doli më 1897. E plotësoi arsimin e mesëm në Kolegjin arbëresh e Shën-Mitër Koronës, ku pati mësues De Radën, që e frymëzoi për tërë jetën; ishte nxënësi i parë shqiptar aty. Takimin me të Gurakuqi e kujton: Luigj Gurakuqi ka qenë një nga deputetët më aktivë në parlamentin shqiptar në fillimin e viteve ’20. Në këtë periudhë,Shqipëria sapo kishte dalë nga Lufta dhe diskutohej gjerësisht mënyrë e zhvillimit ekonomik. Opsionet për Shqipërinë në këtë periudhë ishin vetëm dy: ajo e marrjes së një huaje nga jashtë, dhe ajo e dhënies së koncesioneve për shfrytëzimin e pasurive natyrore. Në këtë këtë mënyrë mund të siguroheshin të ardhurat për të mundësuar ndezjen e motorit ekonomik të vendit. Gurakuqi mori pjesë në Komitetin revolucionar që çoi drejt Lëvizjes së qershorit, dhe iu caktua armatosja e kaçakëve të Nikaj-Mërturit. Në qeverinë Noli të dalur pas Lëvizjes së qershorit, u emërua ministër i Financave. Mori pjesë në Konferencën e Gjenevës krahas Nolit më 1924.
1909 – Publikimi Manifestit Futurist në revistën franceze Le Figaro. Ky është një manifest i shkruar nga poeti italian Filippo Tommaso Marinetti dhe botuar në vitin 1909. Marinetti shpreh një filozofi artistike të quajtur Futurizëm që ishte një refuzim i së kaluarës dhe një festim i shpejtësisë, makinerisë, rinisë, dhe industrisë. Ai gjithashtu mbrojti modernizimin dhe rinovimin kulturor të Italisë.
1935 – Caroline Mikkelsen bëhet gruaja e parë që shkel në Antarktidë. Më 20 shkurt 1935, ekspedita bëri rënie në tokë diku në raftin kontinental të Antarktikut. Mikkelsen u largua nga anija dhe mori pjesë në ngritjen e flamurit të Norvegjisë dhe në ndërtimin e një pllake përkujtimore. Sot, vendi ku ajo zbriti në kontinentin e akullt, (i cili është territor norvegjez) për nder mban emrin e saj.
