Një 8 vjeçar, supertalent i shahut, nga Singapori është bërë lojtari më i ri i shahut që e ka mposhtur një mjeshtër të madh.
Pas një loje 3-orëshe shahu në Zvicër, Ashwath Kaushik, e mundi 37-vjeçarin polak Jacek Stopa.
“Është shumë emocionuese dhe e mahnitshme që munda ta mposht mjeshtrin e madh dhe ndihem krenar për veten”, ka thënë Kaushik, raportoi Guardian.
Sipas “Chess.com”, gara botërore e shahut ka dëshmuar së fundmi rritje të numrit të fëmijëve që arrijnë rezultate të jashtëzakonshme, shkruan Sinjali.
Ashwath fitoi 3 lojërat e para me Stopan, por humbi në lojën me lojtarin britanik, Harry Grieve, i cili pati fituar garën britanike të shahut më 2022.
