Në njoftimin e Ministrisë së Punëve të Jashtme dhe të Diasporës kanë bërë të ditur se ministrja Donika Gërvalla-Schwarz është takuar me Ministrat e Jashtëm të Kroacisë, Portugalisë dhe Lihtenshtajnit, prioritet siguria dhe stabiliteti në Ballkanin Perëndimor, përcjell InLajmi.
Në njoftim thuhet se në takime të ndara, në margjinat e Konferencës së Sigurisë në Mynih të Gjermanisë, Zëvendëskryeministrja dhe Ministrja e Punëve të Jashtme dhe Diasporës e Republikës së Kosovës, znj. Donika Gërvalla takoi Ministrin e Punëve të Jashtme të Kroacisë Gordan Grlic Radman, Ministrin e Punëve të Jashtme të Portugalisë, João Gomes Cravinho si dhe Ministren e Punëve të Jashtme të Lihtenshtajnit, Dominique Hasler.
Gjatë këtyre takimeve, Ministrja Gërvalla i njoftoi homologët e saj rreth proceseve nëpër të cilat po kalon Kosova, duke përfshirë sigurinë dhe tendencat destabilizuese të Serbisë, të cilat e rrezikojnë hapur sigurinë dhe stabilitetin jo vetëm në Ballkanin Perëndimor, por edhe më gjerë.
Tutje në njoftimin e ministrisë thuhet se bashkëpunimi në fushën e ekonomisë dhe mbështetja për Kosovën në rrugën e saj drejt anëtarësimit në mekanizma ndërkombëtarë ishte gjithashtu pjesë e rëndësishme e diskutimit të frytshëm bilateral me Kroacinë, Portugalinë dhe Lihtenshtajnin.
Njoftimi i plotë nga MPJD:
Ministrja Gërvalla takon Ministrat e Jashtëm të Kroacisë, Portugalisë dhe Lihtenshtajnit, prioritet siguria dhe stabiliteti në Ballkanin Perëndimor.
Në takime të ndara, në margjinat e Konferencës së Sigurisë në Mynih të Gjermanisë, Zëvendëskryeministrja dhe Ministrja e Punëve të Jashtme dhe Diasporës e Republikës së Kosovës, znj. Donika Gërvalla takoi Ministrin e Punëve të Jashtme të Kroacisë, z. Gordan Grlic Radman, Ministrin e Punëve të Jashtme të Portugalisë, z. João Gomes Cravinho si dhe Ministren e Punëve të Jashtme të Lihtenshtajnit, znj. Dominique Hasler.
Gjatë këtyre takimeve, Ministrja Gërvalla i njoftoi homologët e saj rreth proceseve nëpër të cilat po kalon Kosova, duke përfshirë sigurinë dhe tendencat destabilizuese të Serbisë, të cilat e rrezikojnë hapur sigurinë dhe stabilitetin jo vetëm në Ballkanin Perëndimor, por edhe më gjerë.
Bashkëpunimi në fushën e ekonomisë dhe mbështetja për Kosovën në rrugën e saj drejt anëtarësimit në mekanizma ndërkombëtarë ishte gjithashtu pjesë e rëndësishme e diskutimit të frytshëm bilateral me Kroacinë, Portugalinë dhe Lihtenshtajnin. /InLajmi/
