Ministrja e Punëve të Jashtme dhe të Diasporës, njëherësh zëvendëskryeministrja e Republikës së Kosovës, Donika Gërvalla-Schwarz, ka thënë se Kanadaja, me gjithë largësinë gjeografike është dëshmuar të jetë partnere dhe mbështetëse e fortë e vendit tonë, përcjell InLajmi.
Gërvalla-Schwarz u shpreh se pikërisht për forcimin e këtij partneriteti në fushën e sigurisë, të ekonomisë dhe në fusha të tjera të rëndësishme për 2 vendet tona biseduam gjatë takimit në margjinat e Konferencës së Sigurisë në Mynih, me Ministren e Punëve të Jashtme të Kanadasë, Melanie Joly.
Tutje ministrja e falënderoj Joly o vetëm për mbështetjen e madhe që Kanadaja i ka dhënë Kosovës ndër vite duke shprehur vendosmerinë tonë për thellimin e bashkëpunimit mes 2 shteteve në rrugën integruese euroatlantike, në të cilën Kanadaja mund të luajë një rol të rëndësishëm.
Postimi i plotë i saj:
Kanadaja, me gjithë largësinë gjeografike është dëshmuar të jetë partnere dhe mbështetëse e fortë e Republikës së Kosovës.
Pikërisht për forcimin e këtij partneriteti në fushën e sigurisë, të ekonomisë dhe në fusha të tjera të rëndësishme për 2 vendet tona biseduam gjatë takimit në margjinat e Konferencës së Sigurisë në Mynih, me Ministren e Punëve të Jashtme të Kanadasë, znj. Mélanie Joly.
Falënderova Ministren Joly jo vetëm për mbështetjen e madhe që Kanadaja i ka dhënë Kosovës ndër vite duke shprehur vendosmerinë tonë për thellimin e bashkëpunimit mes 2 shteteve në rrugën integruese euroatlantike, në të cilën Kanadaja mund të luajë një rol të rëndësishëm. /InLajmi/
