Ministrja e Drejtësisë Albulena Haxhiu në kremtimin e 16 vjetorit të Pavarësisë së Kosovës, kujtojmë me krenari të gjithë ata të cilët lanë gjurmë duke mos kursyer asgjë për të jetësuar ëndrrën për çlirim, përcjell InLajmi.
Haxhiu tha se është Kosova jonë, populli i së cilës shkruan historinë më të re në Evropë.
Ministrja tha se edhe këtë të shtunë dhe për mot kujtojmë dëshmorët dhe martirët e rënë në luftën e cila domosdo solli lirinë. Kujtimi dhe nderimi i tyre na ndriçon rrugën edhe për të ardhmen, duke na edukuar që të mos zmbrapsemi kurrë, duke qëndruar stoik ndaj amanetit të të parëve dhe vullnetit të qytetarëve, për të mos lënë nëpërkëmbje, për të mos lejuar diskriminim.
Tutje tha se Kosova një vend i vogël por me një histori të madhe, do të jetë përherë një aleat besnik ndaj miqve të saj, duke rrëfyer për një sukses të përbashkët, në çlirim, pavarësi dhe zhvillim.
Ajo shtoi se Kosovën do ta shohim edhe më të fortë, edhe më të zhvilluar, dhe me krenari do ta mbrojmë atë që arritëm me sakrificë dhe mund.
Postimi i plotë i saj:
Në kremtimin e 16 vjetorit të Pavarësisë së Kosovës, kujtojmë me krenari të gjithë ata të cilët lanë gjurmë duke mos kursyer asgjë për të jetësuar ëndrrën për çlirim.
Është Kosova jonë, populli i së cilës shkruan historinë më të re në Evropë.
Është populli i cili nuk hoqi kurrë dorë nga ëndrra për liri dhe pavarësi. Është populli që ruajti gjuhën dhe traditën, për të mos lejuar kurrë asimilim ndaj asnjë agresori, ndaj asnjë perandorie.
Është populli që me guxim dhe dituri ia doli të përballet me çdo stuhi, duke e bërë Kosovën të qëndrojë e fortë dhe dinjitoze.
Sot dhe për mot kujtojmë dëshmorët dhe martirët e rënë në luftën e cila domosdo solli lirinë. Kujtimi dhe nderimi i tyre na ndriçon rrugën edhe për të ardhmen, duke na edukuar që të mos zmbrapsemi kurrë, duke qëndruar stoik ndaj amanetit të të parëve dhe vullnetit të qytetarëve, për të mos lënë nëpërkëmbje, për të mos lejuar diskriminim.
Kosova një vend i vogël por me një histori të madhe, do të jetë përherë një aleat besnik ndaj miqve të saj, duke rrëfyer për një sukses të përbashkët, në çlirim, pavarësi dhe zhvillim.
Kosovën do ta shohim edhe më të fortë, edhe më të zhvilluar, dhe me krenari do ta mbrojmë atë që arritëm me sakrificë dhe mund.
Lavdi të gjithë të rënëve për liri!
Gëzuar Pavarësia! /InLajmi/
