Alexei Navalny vdiq në Burgun Korrektues Nr. 3 në Qarkun Autonom Yamalo-Nenets, njoftoi administrata rajonale e Shërbimit Federal për Ekzekutimin e Dënimeve, transmeton InLajmi.
Në njoftim thuhet se i burgosuri Alexei Navalny është ndjerë keq pas ecjes dhe pothuajse menjëherë i ka rënë të fikët.
Menjëherë pas kësaj kanë mbërritur punonjësit mjekësorë të institucionit, si dhe është thirrur edhe ekipi i urgjencës.
Gjithashtu theksohet se janë zbatuar të gjitha masat reanimuese, të cilat nuk kanë dhënë rezultate pozitive.
Po ashtu, theksohet se shkaku i vdekjes është duke u përcaktuar.
Sipas informacioneve nga burimet e agjencisë RT, Navalny ka pësuar një atak në zemër.
Shërbimi për shtyp i Shërbimit Federal për Ekzekutimin e Dënimeve njoftoi se në lidhje me vdekjen e papritur të të dënuarit Navalny, do të dërgojnë një komision të përbërë nga drejtues dhe punonjës të njësive operative dhe mjekësore të zyrës qendrore të shërbimit në burgun ku Navalny vdiq.
Sipas njoftimit të Departamentit Hetimor të Komitetit Hetimor të Rusisë për Qarkun Autonom Yamalo-Nenets, u organizua një kontroll procedural në lidhje me vdekjen e Alexei Navalny në burgun korrektues nr. 3., shkruan sputnik.rs.
“Në përputhje me procedurën e përcaktuar ligjore, është duke u zbatuar një kompleks i masave hetimore dhe operative, të cilat synojnë zbardhjen e të gjitha rrethanave të asaj që ka ndodhur”, thuhet në njoftim.
