Presidenti i Republikës, Bajram Begaj, priti sot Sekretarin e Përgjithshëm të Ligës Botërore Islame, Dr. Mohammad Bin Abdulkarim Al-Issa.
Përmes një njoftimi për media zyra e shtypit të presidentit bën me dije se kreu i shtetit çmoi në takim misionin dhe qëndrimin e Ligës Botërore Islame për një botë në harmoni fetare, bazuar te parimi i modernitetit, të pa ndikuar nga ideologjitë fetare apo politike.
Begaj mirëpriti vlerësimin e Sekretarit të Përgjithshëm të Ligës Arabe për Shqipërinë, të cilën ai e konsideroi si “modeli i shkëlqyer i tolerancës fetare dhe bashkëjetesës, me të cilin ne krenohemi në botë”, shkruan Euronews.al.
Presidenti Begaj vlerësoi gjithashtu angazhimin e Dr. Al-Issa në ndërgjegjësimin global ndaj mesazhit të vërtetë të fesë, “të promovimit të miqësisë midis pasuesve të të gjitha besimeve e kulturave botërore”.
