Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 16 shkurt.
1934 – Lufta Civile Austriake përfundon me humbjen e fraksionit të Social Demokratëve. Lufta civile në Austri, e njohur edhe si Kryengritja e Shkurtit, është një term i përdorur ndonjëherë për disa ditë përleshje midis forcave fashiste dhe socialiste, midis 12 dhe 16 shkurt 1934, në Austri. Gjatë këtij konflikti të shkurtër do të humbnin jetën afro 1000 vetë. Lideri i mëpasshëm nazist i saj do të ishte Engelbart Dollfuss.
1959 – Fidel Castro bëhet Kryeministri i Kubës pasi diktatori Fulgencio Batista u rrëzua në 1 janar. Castro do ta udhëhiqte Kubën me dorë të hekurt, deri në vdekjen e tij në vitin 2016. Regjimi komunist do ta kthente ishullin e Kubës, në një vend të varfër, ku me mijëra persona do të arratiseshin çdo javë drejt kufirit për në Shtetet e Bashkuara të Amerikës. Por sot në këtë vend janë ndërmarrë disa reforma liberale.
1960 – Nëndetësja e Marinës amerikane USS Triton, fillon Operacionin Sandblast, duke vendosur lundrim nga New London, të Connecticut, për të filluar qarkullimin e parë të zhytur të globit. Rrugëtimi i kësaj nëndetëseje zgjati 2 muaj, dhe ajo përshkroi 50 mijë km vijë bregdetare. Rruga filloi dhe mbaroi në Shkëmbinjtë e Shën Pjetrit dhe Paulit në mes të Oqeanit Atlantik afër Ekuatorit.
1979 – Lind në Urbino, Valentino Rossi. Rossi, është një garues italian profesionist i garave me motor dhe kampion i botës MotoGP. Rossi konsiderohet gjerësisht një nga garuesit më të suksesshëm të motorëve të të gjitha kohërave, me nëntë Kampionate Botërore të Grand Prix në emrin e tij, shtatë prej të cilave janë të klasit të parë. Rossi është gjithashtu i vetmi pilot motorësh që ka garuar në 400 ose më shumë Grands Prix.
1985 – Themelohet në Bejrut të Libanit, organizata Hezbollah. Hezbollah, është një parti politike Shiite islamike dhe një grup terrorist. Krahu paramilitar i Hezbollahut është Këshilli i Xhihadit, dhe krahu i tij politik është Besnikëria ndaj partisë së Bllokut të Rezistencës në parlamentin Libanez. Grupi, së bashku me krahun e tij ushtarak konsiderohet një organizatë terroriste nga Shtetet e Bashkuara, Izraeli, Kanadaja, dhe Lidhja Arabe.
2005 – Protokolli i Kiotos hyn në fuqi, pas ratifikimit të tij nga Rusia. Protokolli i Kiotos është një traktat ndërkombëtar që shtron Konventën Kornizë të Kombeve të Bashkuara për Ndryshimet Klimatike të vitit 1992 (UNFCCC) që angazhon palët shtetërore të zvogëlojnë emetimet e gazrave serë, bazuar në konsensusin shkencor të shkaktimit të ngrohjes globale. Atë e kanë nënshkruar 192 vende.
2019 – Vdes në moshën 77 vjeçare, Bruno Ganz. Ganz, ishte një aktor zviceran karriera e të cilit në televizionet gjermane dhe prodhimet e filmit zgjati afro 60 vjet. Ai ishte i njohur për bashkëpunimet e tij me regjisorët Werner Herzog, Eric Rohmer, Francis Ford Coppola, duke fituar njohje të gjerë me rolet e tij në The American Friend, Nosferatu the Vampyre, dhe rolin e Hitlerit në filmin Doënfall.
