Ministria e Punëve të Jashtme dhe Diasporës kanë njoftuar se nën drejtimin e Zëvendësministrit të Punëve të Jashtme dhe Diasporës, Kreshnik Ahmeti, dhe Drejtoreshës së Përgjithshme të Ministrisë së Punëve të Jashtme të Estonisë, Siiri Königsberg, u zhvilluan konsultimet politike midis 2 vendeve, përcjell InLajmi.
Në njoftim thuhet se gjatë takimit u vlerësuan lartë marrëdhëniet e konsoliduara mes Republikës së Kosovës dhe Republikës së Estonisë. Po ashtu, u trajtuan në detaje temat e bashkëpunimin bilateral si dhe u diskutua mbi zhvillimet aktuale në të 2 vendet si dhe bashkëpunimin në rrafshin ndërkombëtar.
Tutje thuhet se në kuadër të bashkëpunimit bilateral u bisedua për avancimin e bashkëpunimit në fusha të ndryshme, me fokus të veçantë mbi mundësitë e përfitimit nga Estonia në fushat e digjitalizimit të arsimit dhe sportit, mbrojtjes, energjisë dhe teknologjisë.
Nga njoftimi i MPJD-së thuhet se sa i përket bashkëpunimit multilateral u trajtuan proceset integruese të Kosovës në organizata ndërkombëtare, me theks të veçantë KIE dhe BE, ku Ahmeti, e falënderoi Republikën e Estonisë për përkrahjen e vazhdueshme për Kosovën në këto procese.
Tutje thuhet se lidhur me zhvillimet aktuale në të 2 vendet, fokus i bisedës ishte agresioni i Serbisë nëpërmjet sulmit terrorist ndaj Republikës së Kosovës në shtator të vitit të kaluar dhe ndikimi rus në rajon përmes Serbisë. Në këtë kontekst u fol edhe për agresionin e paprovokuar rus ndaj Ukrainës dhe ndikimin e saj në rajonet përkatëse.
Njoftimi i plotë nga MPJD:
Republika e Kosovës dhe Republika e Estonisë mbajnë konsultime politike
Nën drejtimin e Zëvendësministrit të Punëve të Jashtme dhe Diasporës, z.Kreshnik Ahmeti, dhe Drejtoreshës së Përgjithshme të Ministrisë së Punëve të Jashtme të Estonisë, znj.Siiri Königsberg, u zhvilluan konsultimet politike midis 2 vendeve.
Gjatë takimit u vlerësuan lartë marrëdhëniet e konsoliduara mes Republikës së Kosovës dhe Republikës së Estonisë. Po ashtu, u trajtuan në detaje temat e bashkëpunimin bilateral si dhe u diskutua mbi zhvillimet aktuale në të 2 vendet si dhe bashkëpunimin në rrafshin ndërkombëtar.
Në kuadër të bashkëpunimit bilateral u bisedua për avancimin e bashkëpunimit në fusha të ndryshme, me fokus të veçantë mbi mundësitë e përfitimit nga Estonia në fushat e digjitalizimit të arsimit dhe sportit, mbrojtjes, energjisë dhe teknologjisë.
Sa i përket bashkëpunimit multilateral u trajtuan proceset integruese të Kosovës në organizata ndërkombëtare, me theks të veçantë Këshillin e Evropës dhe Bashkim Evropian. Me këtë rast, Zëvendësministri Ahmeti, e falënderoi Republikën e Estonisë për përkrahjen e vazhdueshme për Kosovën në këto procese.
Lidhur me zhvillimet aktuale në të 2 vendet, fokus i bisedës ishte agresioni i Serbisë nëpërmjet sulmit terrorist ndaj Republikës së Kosovës në shtator të vitit të kaluar dhe ndikimi rus në rajon përmes Serbisë. Në këtë kontekst u fol edhe për agresionin e paprovokuar rus ndaj Ukrainës dhe ndikimin e saj në rajonet përkatëse. /InLajmi/
