Njohësi i politikës, Ben Andoni, thotë se ardhja e sekretarit amerikan të Shtetit, Antony Blinken lidhet edhe me Kosovën.
Andoni thotë se vizita e Blinken do të ketë një mesazh indirekt për Kosovën.
“Ardhja e tij është e lidhur edhe me Kosovën. Ai do të japë mesazhe direkt apo indirekt për Kosovën. Për shkak se Kosova është shtet i pavarur dhe nuk mund ta japësh këtë projeksion edhe në Shqipëri që është vend vëlla me Kosovën…”, deklaroi ai gjatë një interviste nga Tirana për Tëvë1.
Duke folur për situatën e tanishme të sigurisë, ai tha se për Kosovën janë duke ardhur ditë të vështira.
“Për Kosovën po vijnë ditë të vështira. Jo vetëm Kosova për shkak të brishtësisë, por edhe Shqipëria krahas saj, dhe vendet tjera do të dinë ta mbështesin”, tha ai.
Andoni deklaroi se Blinken ka një mesazh jo të mirë nga Kosova, e që sipas tij ai do të vijë në Kosovë në momentin kur situata e sigurisë të rritet.
“Blinken ka një mesazh jo të mirë nga Kosova, nëpërmjet Kurtit, para një viti tha për politikën e tij që ishte naive. Blinken është në fundin e mandatit të Bidenit dhe sfida më e madhe e tij është për të gjetur sa më shumë elemente pozitive për rikandidimin e Bidenit. Në Kosovë duhet më shumë pjesa e sigurisë dhe në momentin që Kosova do të jetë e sigurt dhe ka një model pozitiv të bashkëjetesës të një lloj sigurie, atëherë besoj që sekretari i shtetit do të vijë në Kosovë, por në këtë moment besoj që është pak larg, së pari nuk arrin koha fizike, e 2-ta që është më e rëndësishme është që Kosova ta kalojë këtë hapësirë që unë besoj që s’do ta kalojë pa probleme”, shtoi ai.
