Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 15 shkurt.
15 shkurt 399 (p.e.s) – Dënohet me vdekje me arsyetim se kundërshtoi perënditë greke Sokrati, që pranohet si themeluesi i filozofisë etike (morale) dhe që është njëri prej filozofëve më të rëndësishëm të periudhës së lashtë greke. Sokrati, për të cilin dihet se ishte njeri modest dhe që nuk merrej me asgjë tjetër përveç disa veseve të këqija dhe filozofisë, ka patur aq ndikim të madh mbi të rinjtë grekë sa që ata e imitonin, veçanërisht ka ndikuar tek nxënësi i tij Platoni. Duke ecur zbathur, zgjatur flokët dhe duke qëndruar të uritur, çdo i ri grek ishte bërë nga një Sokrat. Për të mbajtur gjallë kujtimin e tij pas vdekjes u shkruan vepra të ndryshme si dhe u themeluan edhe disa shkolla. Të gjitha këto institucione u krijuan me idenë për të qenë audiencë e vërtetë e Sokratit në kuptimin intelektual. Në mesin e tyre mund të përmendim “Shkollën e Megaras”, “Shkollën e Cinizmit”, “Shkollën Kirenaike” dhe “Shkollën Elis-Eteria”. Këto shkolla u ndikuan thellë qoftë nga personaliteti i Sokratit, qoftë nga mendimet e tij.
15 shkurt 1914 – Lind aktori dhe regjisori i famshëm kazak, Shaken Ajmanov. Karrierën e tij të aktorit ai e filloi në vitin 1933 në Teatrin Kazak të Dramës në qytetin Alma-Atë. Gjatë periudhës 1947-1951 ai ushtroi detyrën e regjisorit në këtë teatër. Ajmanov, i cili ishte njëri prej themeluesve të studios kinematografike “Kazak Film”, gjatë shfaqjeve ai më së shumti luajti rolet e heronjve të letërsisë klasike perëndimore, ndërsa filmat e tij janë bërë klasikë e kinematografisë kazake.
1898 – Luftanija amerikane USS Maine shpërthen dhe mbytet në portin e Havanas në Kubë, duke vrarë 275 vetë. Kjo ngjarje i bën Shtetet e Bashkuara që ti shpallin zyrtarisht luftë Spanjës. Lufta çoi në shfaqjen e mbizotërimit të SHBA në rajonin e Karaibeve, dhe rezultoi në blerjen e pronave të Spanjës në Paqësor. Kjo çoi në përfshirjen e SHBA në Revolucionin e Filipineve dhe përfundimisht në Luftën Filipino-Amerikane.
1923 – Greqia bëhet vendi i fundit evropian që miratoi kalendarin Gregorian. Kalendari Gregorian është kalendari i përdorur në pjesën më të madhe të botës. Ai u emërua kështu, pas Papës Gregori XIII, i cili e prezantoi atë në tetor 1582. Hapësirat kalendarike kërcejnë vitet për ta bërë vitin mesatar 365 ditë, duke përafruar vitin tropikal që përcaktohet nga revolucioni i Tokës rreth Diellit.
1933 – Në Miami, Giuseppe Zangara përpiqet të vrasë Presidentin e zgjedhur të SHBA Franklin D. Roosevelt. Gjatë një fjalimi të natës nga Roosevelt në Miami, të Floridas, Zangara gjuajti pesë të shtëna me një armë që ai kishte blerë disa ditë më pare, por në vend të tij, plagos kryetarin e Chikagos, Anton J. Cermak, i cili vdes nga plagët e marra, më 6 mars 1933. Ky do të ishte atentati i vetën ndaj Presidentit Roosevelt.
1951 – Lind në Uxbridge, Jane Seymour. Seymour, është një aktore britaniko-amerikane, e njohur më së shumti për shfaqjet e saj në filmin James Bond Live dhe Let Let, Somewhere In Time, East of Eden, The Scarlet Pimpernel, Onassis, The Richest Man in the World, War and Remembrance, La Revolution française, në rolin e mbretëreshës, Marie Antoinette dhe Weddinng Crashers. Në vitin 2000, ajo u emërua një Zyrtare e Urdhrit të Perandorisë Britanike.
1972 – Jose María Velasco Ibarra, Presidenti i Ekuadorit për herë të pestë, pëson po aq grushte shteti nga forcat e armatosura të vëndit të tij. Ibarra ishte një populist i zjarrtë që nuk kishte një organizim zyrtar partie. Përkundrazi, ishte retorika e tij populiste që tërhoqi ndjekës entuziastë, pasi ai e paraqiti veten si avokatin e të varfërve dhe të shtresave të ulëta të popullsisë.
1989 – Gjatë Luftës Sovjeto-Afgane, Bashkimi Sovjetik njofton zyrtarisht tërheqjen e të gjitha trupave e tij nga Afganistani. Kjo luftë zgjati plot një dekadë që nga viti 1979 dhe deri në 1989. BRSS, humbi në këtë vënd mbi 20 mijë trupa, dhe la pas me mijëra pjesë nga arsenali i vetë logjistik ushtarak. Ndërsa nga pala afgane mbetën të vdekur rreth 2 milionë civilë dhe ushtarë. Pas humbjes së këtij konflikti Bashkimi Sovjetik u shpërbë.
1991 – Nënshkruhet Marrëveshja e Vishegradit, nga drejtuesit e Çekosllovakisë, Hungarisë dhe Polonisë, duke krijuar bashkëpunimin për të lëvizur drejt sistemeve të tregut të lire. Grupi i Vishegradit është një aleancë kulturore dhe politike e Çekisë, Sllovakisë, Hungaris dhe Polonisë, që janë anëtare të BE dhe NATO, për qëllimet të bashkëpunimit ushtarak, kulturor, ekonomik dhe energjetik me njëri-tjetrin.
