Njohësi i zhvillimeve politike nga Shqipëria, Enton Abilekaj, në një ka folur në lidhje me vizitën e sekretarit amerikan të shtetit në Tiranë, Antony Blinken, dhe mesazhet që ai pritet t’i përcjellë Kosovës. Abilekaj tha se Tirana është vendi më i mirë për të dhënë mesazhe për Kosovën pasi kanë efekt më të fortë.
Ai potencoi se, çështjen e dinarit, Antony Blinken pritet t’a ketë në pikën e parë të bisedimeve.
“Mendoj se Tirana është vendi më i mire për të dhënë mesazet për Prishtinën. Pavarësisht se kryeministri aktual i Shqiperisë nuk mund të luaj rolin tradicional të negociatorit, apo këshilltarit të kryeministrit apo klasës politike tëKosoves, mesazhet e dhëna nga Tirana kanë efekt më të fortë, siç ndodhi me mesazhet e Clinton në korrikun e vitit te shkuar.Për kete arsye dhe për shkak se kryeministri Rama ka filluar tashmë të flasë për çështjen e dinarit, mendoj qe Blinken do ta ketë në piken e parë të bisedimeve” tha Abilekaj shkruan Gazeta Blic.
Abilekaj tha se vetë vizita e Blinken në Tiranë është një mesazh për Kurtin dhe për sjelljen e tij ndaj SHBA-ve.
“Ka nje kontrast qe vizita e Sekretarit te Shtetit e thekson dukshëm, një qeveri shqiptare në Prishtinë, që paralajmërohet për prishje te partneritetit me SHBA-të dhe një qeveri shqiptare në Tirane që perzgjidhet e vetmja në viziten e Sekretarit te Shtetit. Ky është nje mesazh për Kurtin dhe per sjelljen e tij ndaj SHBA, ku heqja e dinarit është pika kulmore e mosmarreveshjeve të vazhdueshme”, deklaroi Abilekaj.
