Premier Liga ka konfirmuar se ka miratuar blerjen e 25% të aksioneve të Manchester Unitedit nga Sir Jim Ratcliffe.
Pas garës me sheikun e Katarit, Jasim bin Hamad Al Thani, blerja e pak aksioneve nga Ratcliffe, ndryshe nga sheiku që synonte blerjen e tërësishme të Unitedit, ishte njoftuar nga klubi në natën e Kërshëndellave.
Shefi i kompanisë INEOS, besohet se ka paguar 1.3 miliardë funte për 25% të klubit, shkruan Reporteri.net
Premier Liga gjithashtu ka konfirmuar se Ratcliffe do të investojë 300 milionë dollarë në klub teksa po përgatitet të marrë kontrollin e pjesës sportive të klubit.