Deputeti i Kuvendit të Kosovës, Haki Abazi, e ka vlerësuar si anti-demokratike dhe anti-kushtetuese që të gënjehet opinion publik për kërcënime ndaj kryeministrit Albin Kurti, duke e përdorur transmetuesin publik dhe duke keqpërdorur AKI-në, përcjell InLajmi.
Ish-deputeti i Vetëvendosjes ka radhitur disa nga veprimet e pushtetit që i ka cilësuar si anti-demokratike dhe anti-kushtetuese, ku ka përfshirë dhe refuzimin e Qeverisë që të përgjigjet në pyetjet e deputetëve.
“Këto veprime janë shkatërruese për rendin kushtetues dhe republikën parlamentare. Duhet seancë parlamentare urgjente për sjelljen jodemokratike dhe jokushtetuese të ekzekutivit”, ka theksuar Abazi.
Postimi i plotë i tij:
Është gabim, antidemokratike dhe antikushtetuese:
Të refuzohen pyetjet e deputetëve drejtuar ekzekutivit,
Të flitet me Danimarkën për dhënien e Burgut të
Gjilanit në përdorim përderisa ka refuzim të fuqishëm në parlametin e Kosovës dhe në shoqërinë civile për këtë gjë,
Të gënjehet opinioni publik për kërcënime ndaj Kryeminsitrit duke përdorur transmetuesin publik dhe duke kepërdorur AKI dhe duke mos paraqitur asnjë fakt, as kundështim ndaj deklaratës të Ministrisënsë Punëve të Brendshme të Maqedonisë që demanton qeverinë e Republikës së Kosovës.
Të përcaktohet Komisionieri i FSK nga një njeri pa legjitimitet dhe pas asnjë transparencë. Është edhe RREZIKIM I SIGURISË KOMBËTARE!
Këto veprime janë shkaterruese për rendin kushtetues dhe republikën parlamentare. Duhet seance parlamentare urgjente për sjelljen jodemokratike dhe jokushtetuese të ekzekutivit. Ministrja e Drejtësisë duhet të thirret me urgjencë në Komisionin Parlamentar për deklarimet e rrejshme lidhur me marrëveshjen me Danimarkën./InLajmi/
