Shefi i grupit parlamentar të Aleancës për Ardhmërinë e Kosovës Besnik Tahiri, ka thënë se janë disa tema jetike për AAK-në të cilat do t’i ngrisin përmes 3 iniciativave në seancën e radhës, përcjell InLajmi.
“Më 14 shkurt 2021 ka qenë dita kur fitoi Vetëvendosje. Të enjten kur edhe kemi seancë, hyjmë në vitin e 4 të kësaj qeverie. Janë disa tema jetike për AAK-në të cilat do t’i ngrisim përmes 3 iniciativave”, tha Tahiri.
Ai tha se kanë mbledhur nënshkrimet për thirrjen e një seance të jashtëzakonshme për ligjin e Sigurimeve Shëndetësore.
Shefi i grupit parlamentar të AAK-së u shpreh se në sektorin publik paga mesatare duhet të jetë 1.000 euro, një drejtor nuk guxon me pas rrogën nër 1.000.
Tutje tha se me Ligjin për Pagën Minimale në sektorin privat dhe në momentin kur kjo iniciativë të përfundojë atëherë të veprojmë me Amandementimin e Ligjit për Pagën Minimale
“Kemi mbledhur nënshkrimet për thirrjen e një seance të jashtëzakonshme për ligjin e Sigurimeve Shëndetësore. Mos e bë Zot me iu sëmurë dikujt prindi apo fëmija, krejt kursimet duhet me i shkri, me hy në borxh për shërimin. Paga në sektorin publik, Me ligjin e Pagave dhe ka të bëjë me iniciativën tonë që e kemi nisur javën e kaluar, për Amandamentimin e Ligjit të Pagave. Mendojmë që në sektorin publik paga mesatare duhet të jetë 1.000 euro, një drejtor nuk guxon me pas rrogën nër 1.000. Dhe me Ligjin për Pagën Minimale në sektorin privat dhe në momentin kur kjo iniciativë të përfundojë atëherë të veprojmë me Amandementimin e Ligjit për Pagën Minimale”, tha ai. /InLajmi/
