Në Shtetet e Bashkuara të Amerikës është prezantuar një pasqyrë-tabletë me inteligjencë artificiale, e cila mund të vlerësojë gjendjen shëndetësore të personit të ulur përballë saj, madje është në gjendje të paralajmërojë për rrezikun e vdekjes.
“Pasqyra Magjike” është një tabletë që mund të monitorojë më shumë se 100 parametra shëndetësorë. Prodhuesi Nuralogix pretendon se pajisja mund të zbulojë shenjat e etheve, presionit të lartë të gjakut, depresionit, diabetit dhe madje të paralajmërojë përdoruesin për vdekjen e afërt.
Për të analizuar gjendjen shëndetësore, pajisja ka një kamerë të integruar që skanon rrjedhjen e gjakut nën sipërfaqen e lëkurës dhe të dhënat e marra i transferon në memorie, e cila pasohet nga analiza me ndihmën e inteligjencës artificiale, shkruan Alsat m.
Pajisja tashmë është quajtur “ideale për një shtëpi pleqsh”, por prodhuesi shpreson që produkti të përdoret gjerësisht në të gjitha fushat e jetës dhe të bëhet një pajisje mjekësore shtëpiake.
