Asociacioni i Gazetarëve të Kosovës ka reaguar pas kërcënimeve që ka marrë gazetari i një prej televizioneve vendore, Korab Rexhepi.
“Rexhepi ka njoftuar Asociacionin e Gazetarëve të Kosovës se këto kërcënime janë bërë pasi që M.B., i është ndërprerë telefonata e drejtpërdrejtë pas disa fjalëve banale që i njëjti kishte thënë në emisionin që gazetari drejton”, thuhet në njoftim.
Në një nga mesazhet kërcënuese të kanosësit M.B., thuhet se gazetarin “do ta zhdukë me gjithë familje”.
“Për Asociacionin e Gazetarëve të Kosovës, këto kërcënime janë të papranueshme dhe ftojmë Policinë e Kosovës që ta trajtoj rastin në mënyrë që kërcënuesi të ndëshkohet nga organet e drejtësisë”, njofton AGK, shkruan RTK.
Tutje kanë bërë thirrje për raportim të rasteve të kërcënimeve dhe sulmeve.
