Është ndarë nga jeta në moshën 53 vjeçare kirurgu Halil Tanaj, përcjell InLajmi.
Tanaj i përfundoi studimet për Mjekësi të Përgjithshme në Fakultetin e Mjekësisë, në Universitetin e Prishtinës, në vitin 1997, ndërsa specializimin për Kirurgji të Përgjithshme e përfundoi në vitin 2004.
Oda e Mjekëve të Kosovës, shprehin ngushëllime familjes dhe miqve, ndërsa kujtojnë se kirurgu Tanaj për vite me radhë u shërbeu qytetarëve të Prishtinës në Klinikën e Kirurgjisë Abdominale, në QKUK.
Njoftimi i plotë nga Oda e Mjekëve të Kosovës:
Ndahet nga jeta Dr. Halil Tanaj, (02.11.1970 – 11.02.2024)
Studimet për Mjekësi të Përgjithshme i përfundoi në Fakultetin e Mjekësisë, në Universitetin e Prishtinës, në vitin 1997. Ndërsa specializimin për Kirurgji të Përgjithshme e përfundoi në vitin 2004.
Dr. Halil Tanaj ka kryer provimet e parapara për studimet pasdiplomike duke mbrojtur tezën e magjistraturës dhe mori gradën Magjistër i Shkencave të Mjekësisë, në vitin 2011.
Për vite me radhë, Dr. Halil Tanaj u shërbeu qytetarëve të Prishtinës në Klinikën e Kirurgjisë Abdominale, në QKUK.
Oda e Mjekëve të Kosovës i shpreh ngushëllimet më të sinqerta familjarëve, miqve dhe kolegëve të tij! /InLajmi/
