Kryeministri i Greqisë, Kyriakos Mitsotakis, tha se Greqia nuk do ta njohë Kosovë dhe se qëndrimi i Athinës për këtë çështje nuk ka ndryshuar, transmeton InLajmi.
Kështu u shpreh kryeministri grek Mitsotakis pas takimit me presidentin e Serbisë, Aleksandër Vuçiq ndërsa, kujtoi se temë diskutimi ishte edhe dialogu.
“Presidenti Vuçiq më njoftoi për dialogun me Prishtinën. Qëndrimi ynë për Kosovën mbetet i pandryshuar”, tha kryeministri i Greqisë.
Tutje, Mitsotaksi u shpreh se 2 vendet do të thellojnë bashkëpunimin me theks në fushën e investimeve.
“Sa herë e gjej veten në Beograd, ndihem si në shtëpinë time dhe dua t’ju falënderoj për mikpritjen. Erdha me 4 ministra dhe një komunitet të madh biznesi. Ne duam të thellojmë më tej marrëdhëniet tona investuese. Kemi pasur kontakte shumë të mira dypalëshe”, tha kryeministri grek.
Ai u zotua se shteti i tij do të mbështesë integrimin e Serbisë.
“Ne ju mbështesim në rrugëtimin tuaj evropian. Unë kam folur shumë herë për zgjerimin në Bruksel. Beogradi duhet të përfitojë nga rrethanat e favorshme. Ka një të ardhme evropiane për Serbinë dhe Ballkanin Perëndimor. Ky është qëllimi ynë strategjik”, tha Mitsotakis. /InLajmi/
