Ministri i Mbrojtjes, Ejup Maqedonci, njofotn se ka përfunduar periudha 30 ditore e njoftimit të Kongresit të SHBA-së për kërkesën e Kosovës për të blerë sistemin anti-tank Javeline, përcjell InLajmi.
Maqedonci thekson se janë në pritje të ofertës nga ana e SHBA-së, që pastaj bazuar në të dhe planin e zhvillimit të FSK-së për të realizuar blerjen. Javeline, sistem me të cilin do të pajiset FSK tashmë sipas tij është fakt i kryer.
Ndryshe, Kosova është në proces të blerjes së 246 raketave Javelin.
Postimi i plotë i tij:
Ministri i Mbrojtjes së Kosovës Ejup Maqedonci dhe zyrtarët e Departamentit amerikan të Shtetit janë shprehur se synimi kësaj blerje ushtarake është përmirësimi i kapaciteteve mbrojtëse të Kosovës.
I gëzohemi lajmit që sot ka përfunduar periudha tridhjetë ditore e njoftimit të Kongresit të Shteteve të Bashkuara të Amerikës rreth kërkesës tonë për blerjen e sistemit anti-tank Javeline, rrjedhimisht mund të vazhdojmë hapat tjerë.
Proceduralisht jemi në pritje të ofertës nga ana e ShBA-së, që pastaj bazuar në të dhe planin e zhvillimit të FSK-së të realizojmë blerjen.
Javeline, sistem me të cilin do të pajiset FSK tashmë fakt i kryer./InLajmi/
