Kompania britanike e sigurisë detare Ambrey njoftoi sot se një anije mallrash greke, e cila lundronte nën flamurin e Ishujve Marshall, u godit nga 2 raketa me një distancë prej 2 minutash teksa kalonte nëpër ngushticën Bab-el-Mandeb, transmeton InLajmi.
Anija e mallrave dyshohet se është goditur dhe ka pësuar disa dëme materiale në anën e djathtë, shton Ambrey.
Kompania britanike thotë se ekuipazhi i anijes vuri re një raketë pranë anijes, 75 kilometra në jug të portit Moka të Detit të Kuq të Jemenit, shkruan nova.
Rebelët Houthi të Jemenit kanë sulmuar anijet tregtare në Detin e Kuq që nga 19 nëntori në atë që ata thonë se është një përgjigje ndaj operacioneve ushtarake izraelite në Rripin e Gazës, duke bërë që SHBA dhe Britania e Madhe të nisin sulme hakmarrëse ndaj objektivave ushtarake Houthi në Jemen muajin e kaluar.
