Në veri të Mitrovicës janë vendosur disa grafite me mesazhin “Kur të kthehet ushtria në Kosovë, Brigada e Veriut jeton”.
Grafite të ngjashme janë shkruar edhe në Zveçan, Leposaviq e Zubin Potok.
Pas grafiteve të vendosura në veri, serbët kanë thirrur sot protestë.
Pensionistët serb sot kanë mbajtur protestë të thirrur nga Lista Serbe në sheshin e Mitrovicës së Veriut.
Sipas tyre, protesta ka pasur për qëllim kundërshtimin e vendimit të BQK-së për të ndaluar përdorimin e dinarit si mjet pagues në Kosovë.
Ky organizim ka përfunduar pa incidente dhe e qetë.
E lidhur me veprimet e serbëve ndaj vendimit të BQK-së për dinarin, ka folur ish-zv. ministri i Brendshëm, Valdet Hoxha.
Ai tha se veprimet e serbëve janë vazhdë e orkestrimeve dinake të udhëheqësve serb.
“Grafitet e ndryshme dhe protesta e sotme janë në vazhdën e orkestrimeve të vazhdueshme që i bëjnë në mënyrë dinake udhëheqësit e shtetit serb duke i shtyrë gjoja pensionistët se atyre kinse po ju bëhet e padrejtë”, tha Hoxha.
Hoxha: Qeveria duhet të jetë më e kujdesshme në vendime që mund të interpretohen si politike
Ish-zv.ministri i Brendshëm, Valdet Hoxha, duke folur ka kërkuar që Qeveria të jetë më e kujdesshme në vendimet, duke aluduar në vendimin për ndalimin e përdorimit të dinarit serb.
Pasi sipas tij, ani pse vendimi është i drejtë mund të merret politik.
“Çdo vendim i Kosovës është i bazuar në ligj dhe rend kushtetues dhe është legjitim. Duhet të jemi koshijentë ndaj këtyre ngjarjeve, Qeveria duhet të jetë shumë më e kujdesshme me rastet e tilla kur pesha e një vendimi pavarësisht që është i drejtë e institucional në rendin kushtetues mund të interpretohet si politik tek konteksti gjeopolitik sepse nuk mund ta shohim ndaras çështjen e katër komunave në veri pa e futur në mozaikun e zhvillimeve globale”, thotë Hoxha.
Ish-zv. ministri i Brendshëm: Mos koordinimi i Qeverisë me aleatët po na kushton, mund të ketë masa të reja nga BE
Ish-zv.ministri i Brendshëm, Valdet Hoxha në një prononcim ka paralajmëruar se mund të ketë masa të reja të BE-së për Kosovën.
Sipas tij, mos koordinimi mes Qeverisë dhe aleatët po i kushton shtetit.
“Koordinimi i duhur me aleatët ndërkombëtar në veçanti me SHBA po na kushton dhe nëse nuk ka koordinim për hapat e ardhshëm qeveria mund të ketë masa të reja nga BE”, deklaroi ai për Front Online.
Protestës së sotme i janë bashkangjitur edhe përfaqësues të Listës Serbe. Në parullat që i mbanin në duar, në disa prej tyre thuhej “Evropë hapi sytë”, ” Pensionin tërë jetën e kam marrë e merituar, nuk ia jap Kurtit”.
