Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 12 shkurt.
12 shkurt 1912 – Perandori 6-vjeçar i Kinës, Pu-Yi, u rrëzua nga froni dhe në vend u shpall republika. Në këtë mënyrë mori fund Perandoria Kineze 2000-vjeçare dhe udhëheqja 267-vjeçare e Dinastisë Mançuriane.
12 shkurt 1959 – Në kryeqytetin britanik u mblodh Konferenca 2. e Londrës për të trajtuar çështjet lidhur me Republikën e Qipros dhe statusin e shteteve garantuese, vendime këto që kishin dalë nga Konferenca e Cyrihut. Organizuar nën mikpritjen e Kryeministrit të Anglisë, Harold Macmillan, konferenca në fjalë u zhvillua me pjesëmarrjen e Kryeministrit të Turqisë – Adnan Menderes, Kryeministrit të Greqisë – Konstantinos Karamanlis, politikanit turkoqipriot – dr. Fazil Kuçuk dhe Kryepeshkopit grekoqipriot – Makarios.
12 shkurt 1999 – Presidenti i Shteteve të Bashkuara të Amerikës, Bill Clinton, i hetuar me kërkesën për shkarkim nën akuzat e dëshmisë së rreme dhe pengimit të drejtësisë në çështjen “Monica Lewinsky”, u shpall i pafajshëm nga Senati.
12 shkurt 2002 – Në Gjykatën e OKB-së për Krime Lufte filloi gjyqi kundër Slobodan Milosheviçit, president i Republikës së Serbisë në vitet 1989-1997 dhe i Republikës Federale të Jugosllavisë në vitet 1997-2000. I proceduar për 66 vepra penale të ndryshme, përfshi këtu masakrat dhe krimet kundër njerëzimit gjatë Luftës së Bosnjës, Milosheviçi u dorëzua dhe dërgua në burgun e Beogradit më 1 prill 2001. Ai vdiq në vitin 2006 ende pa përfunduar procesi gjyqësor në Hagë.
1947 – Meteori më i madh i hekurit deri në atë kohë, gjatë një përplasjeje, krijon një krater ndikimi në Sikhote-Alin, të Bashkimit Sovjetik. Rreth orës 10:30, dëshmitarët okularë në malet Sikhote-Alin, të Primorye, vëzhguan një bolid të madh më të ndritshëm se dielli që doli nga veriu dhe zbriti në një kënd prej rreth 41 gradë. Gjatë kësaj përplasjeje u krijua një zhurmë e konsiderueshme, e shoqëruar nga një krater.
1975 – Vdes në Bernë, në moshën 79 vjeçare, Carl Lutz. Lutz, ishte një diplomat zviceran. Ai shërbeu si Zëvendës-konsull zviceran në Budapest, të Hungarisë nga viti 1942 deri në fund të Luftës së Dytë Botërore. Lutz u mor me shpëtimin e 62 mijë hebrenjve, në operacionin më të madh të shpëtimit të hebrenjve të Luftës së Dytë Botërore. Atij iu dha titulli i të Drejtit midis kombeve nga Yad Vashem.
1980 – Lind në Santa Monica, Christina Ricci. Ricci, është një aktore dhe producente amerikane. Ajo është e njohur për interpretimin e personazheve jokonvencionale me një avantazh të errët. Disa nga filma e saj janë, Sleepy Hollow, Pumpkin, Black Snake, Anything Else, Prozac Nation, etj. Ricci, ka fituar disa çmime si, Golden Globe, Primetime Emmy, Screen Actors Guild, Independent Spirit Award.
1988 – Gjatë Luftës së Ftohtë, ndodh incidenti i përplasjes në Detin e Zi. Kryqëzori i raketave amerikane USS Yorktown, qëllimisht qëllohet nga fregata sovjetike Bezzavetnyy në ujërat territoriale të BRSS-së, ndërsa Yorktoqn pretendon kalimin e lirë. Në atë kohë, Bashkimi Sovjetik njohu të drejtën e kalimit të lirë për anijet luftarake në ujërat e tij territoriale vetëm në korsi detare të përcaktuara.
1994 – 4 grabitës, futen në Galerinë Kombëtare të Arteve, të Norvegjisë dhe vjedhin pikturën ikonike të Edvard Munch-it The Scream. Piktura ishte zhvendosur poshtë në një galeri të dytë si pjesë e festimeve Olimpike. Pasi galeria nuk pranoi të paguante një shpërblim prej 1 milionë dollarësh policia norvegjeze vendosi një operacion të fshehtë me ndihmën e policisë britanike dhe Muzeut Getty. Piktura u gjet e padëmtuar në 7 maj 1994
2019 – Vendi i njohur si Republika e Maqedonisë e riemërtoi veten si Republika e Maqedonisë së Veriut në përputhje me marrëveshjen e Prespës, duke zgjidhur një mosmarrëveshje të gjatë për emrin me Greqinë. Marrëveshja e Prespës nuk mund të shfuqizohet nga asnjë marrëveshje ose traktat tjetër, as të revokohet, dhe dispozitat e saj janë ligjërisht të detyrueshme për të dy palët në aspektin e ligjit ndërkombëtar.
