Kryetari i kuvendit, Glauk Konjufca, ka thënë se nuk beson se do të ketë lëkundje të relacioneve në mes Kosovës dhe shteteve mike të saj pas vendimit të BQK-së për dinarin, raporton InLajmi.
Konjufca tha se çështja për dinarin është ditur qysh moti që Lëvizja Vetëvendosje ka pritur tash e 3 vite për ta marrë këtë vendim po ashtu thekson se dinari ilegal në Kosovë është prej kur ka hyrë në fuqi euro.
“Çështja për dinarin është ditur qysh moti që Lëvizja Vetëvendosje ka pritur tash e 3 vite për ta marrë këtë vendim. Ndërkombëtarët e kanë ditë që nën qeverisjen e VV-së do të merret një vendim i tillë sepse kur kanë qenë në pushtet formacione të tjera, nuk është zbatuar një rregull që është e shkruar. Dinari ilegal në Kosovë është prej kur ka hyrë në fuqi euro’’, u shpreh kreu i kuvendit.
Ai tutje shton se dinari është përdorur sepse e kanë mbyllur njërin sy institucionet e Kosovës, qeveria, BQK-ja dhe institucionet financiare të Kosovës, tha ai.
“Mirëpo ai ka funksionuar në mënyrë ilegale sepse e kanë mbyllur njërin sy institucionet e Kosovës, qeveria, BQK-ja dhe institucionet financiare të Kosovës. Për një moment ne kemi vendosur mos t’i mbyllim sytë dhe të tregojmë se kjo është ajo cka shkruan në letër. Nuk mendoj se kjo nuk do të duhej të ishte problem i madh për bashkësinë ndërkombëtare, unë këtë e konsideroj rritje të zbatimit të ligjit”, tha Konjufca.
Kreu i kuvendit më tej tha se pas vendimit të fundit të BQK-së nuk beson që do të ketë masa të reja ndaj Kosovës.
