Eksperti i Energjisë, Admir Shala thotë që strategjia për energjinë është gabim.
Ai madje thotë që sa më herët të ndryshojë, aq më mirë për Kosovën.
“Strategjia që e kanë aprovuar në vitin e kaluar është gabim. Strategjia e energjisë është gabim nuk e ka godit tamam në treg kur është dashur me e godit, mirëpo kështu ka vendosur Parlamenti i Kosovës, unë mendoj që është gabim ajo strategji, jo krejt, një pjesë është e mirë dhe duhet me korrigju aq ma herët, aq më mirë”, u shpreh ai.
Kuvendi i Kosovës ka miratuar Strategjinë për Energji 2022-2031 në mars të 2023 shkruan Front Online.
Sipas kësaj, Kosova synon që deri në vitin 2031 të arrijë që 35 për qind të nevojave për energji, t’i gjenerojë nga energjia e ripërtërishme.
