Përfaqësuesit e Listës Serbia kundër dhunës duke folur sot në panelin e “Serbisa në udhëkryq” në t në Parlamentin Evropian thanë se qeveria në Serbi ka keqpërdorur zgjedhjet dhe gjithë aparatin shtetëror, duke theksuar nevojën për një hetim ndërkombëtar urgjent dhe të shpejtë të procesit zgjedhor, transmeton InLajmi.
Deputetët evropianë deklaruan se qytetarët e Serbisë meritojnë zgjedhje të ndershme dhe se kanë qenë dëshmitarë të vjedhjeve zgjedhore.
Ata gjithashtu theksuan se ngrirja dhe pezullimi i mundshëm i fondeve evropiane nuk është i drejtuar kundër qytetarëve të Serbisë.
“Ne jemi ata që mbështesim ato vlera dhe parime që na udhëheqin në politikën tonë në Parlamentin Evropian. Nëse nënkuptojmë ngrirjen dhe pezullimin e fondeve evropiane, kjo nuk është e drejtuar kundër qytetarëve të Serbisë, por është një mundësi, për t’i treguar Presidentit të Serbisë dhe partisë në pushtet se mënyra se si zhvilluan zgjedhjet e fundit, shkeljet lidhur me fondet e ndryshme. Në fund të fundit, fondet e IPA-s kanë të bëjnë me disa kushte dhe nëse nuk plotësohen duhet të bëjmë diçka”, tha Viola Von Cramon, deputetja e Parlamentit Evropian nga Partia e Gjelbër.
Von Kramon bëri thirrje për një “rishikim më të thellë” të zgjedhjeve.
“Duhet të hedhim një vështrim më të thellë, duam një auditim, të kemi një mision dhe shpresojmë që me këtë instrument të mund të kontrollojmë që paratë të shpenzohen në mënyrën e duhur dhe që në fund njerëzit që kanë të drejtë të ankohen, për të marrë akses në të dhënat për atë që ndodhi më 17 dhjetor. Dhe pas kësaj do të vazhdojmë me hapat e mëtejshëm. Gjithçka është transparente, ne nuk fshehim asgjë, punojmë në interes të qytetarëve të Serbisë”, ka përfunduar Von Kramon.
“Faleminderit që thatë se qëllimi i kësaj rezolute nuk është të ndëshkojë qytetarët e Serbisë apo t’u shkaktojë shqetësim, por të demaskojë regjimin e Vuçiqit”, tha Radomir Lazoviq, anëtar i Frontit e Majta e Gjelbërt, FZL, duke folur në panelin “Serbia në udhëkryq” në Parlamentin Evropian.
Paneli mbahet para seancës plenare të PE, në agjendën e të cilit është miratimi i rezolutës për manipulimet në zgjedhjet serbe, shkruan N1.
“Ne jemi në kërkim të një misioni ad hoc ndërkombëtar të PE-së që do të dërgohet në Serbi dhe një hetim ndërkombëtar për zgjedhjet e 17 dhjetorit”, tha Lazoviq, duke shtuar se gjërat po shkojnë keq në Serbi dhe se duhet të ndalet. /InLajmi/
