Pas raportimit të mediave serbe se sot një furgon me dinarë serbë nuk është lejuar që të futet në Kosovës përmes pikë kalimit kufitar në Jarinjë, kanë reaguar nga Dogana e Kosovës.
Zëdhënësi i Doganës, Adriatik Stavilevci tha se përfaqësues të palës serbe kanë pyetur për importimin e dinarëve.
Ai thotë se nuk u është lejuar qarkullimi i mjeteve monetare pa autorizimin e BQK-së, shkruan Front Online.
“Përfaqësues të palës serbe sot kanë pyetur në pikën doganore në Jarinjë se nëse mund të importojnë para, ne ua kemi sqaruar se pa pasur autorizim nga Banka Qendrore e Kosovës nuk lejohet qarkullimi i mjeteve monetare”, tregoi Stavilevci.
