Aleanca për Ardhmërinë e Kosovës këtë të mërkurë ka dorëzuar tek Avokati i Popullit Ligjin për Skemat Pensionale, me qëllim të procedimit të këtij Ligji për interpretim në Gjykatën Kushtetuese, raporton InLajmi.
Deputeti i AAK-së Shemsedin Dreshaj, tha tek Avokati i Popullit kanë dorëzuar kërkesën e tyre është që të largohet kushti prej 15 vite.
Dreshaj tha se ky ligj ka qenë më herët ne Gjykatë Kushtetuese dhe pas një intervali të gjatë kohorë u bënë disa manipulime në Kuvend nga ana e qeverisjes dhe 15 vjetshi sërish mbeti.
“Kemi deponuar tekë Avokati i Popullit një iniciativë tonë në lidhje me largimin e 15 vjetshit, pra diskriminimi që është duke ju bërë që sa vite popullatës sonë në raport me skemat pensionale kontributdhënësë. Ky ligj ka qenë më herët ne Gjykatë Kushtetuese dhe pas një intervali të gjatë kohorë u bënë disa manipulime në Kuvend nga ana e qeverisjes dhe 15 vjetshi sërish mbeti”, u shpreh ai.
Tutje tha se ky ligj nënkupton që ai person pas datës 1 janar të viti 1984 ka krijuar marrëdhënie punë me shtetin nuk gëzon të drejtën e pensionit kuntributdhënës.
“Ky ligj nënkupton që ai person pas datës 1 janar të viti 1984 ka krijuar marrëdhënie punë me shtetin nuk gëzon të drejtën e pensionit kuntributdhënës, që do të thotë që për një vit ose një javë e humbin kontributin që e kanë bërë për vite të tëra. Këtë herë kërkesa e jona eksplicite është që të largohet 15 vjetshi si masë diskriminuese dhe njëkohësisht që të largohet data 1 janar i viti 1999 që nënkupton numrin e stazhit pensional”, tha ai. /InLajmi/
