Këngëtarja shqiptare me famë botërore, Bebe Rexha, ka qenë edhe këtë vit e nominuar për një nga çmimet e mbrëmjes më të madhe vjetore të ndarjes së çmimeve të muzikës, “Grammy Awards”.
Ajo luftoi për të marrë çmimin “Kënga më e mirë e zhanrit Dance/Pop”, ku ishte nominuar për këngën “One In A Million”, por që ky çmim shkoi në duart e artistes australiane Kylie Minogue për hitin e saj “Padam Padam”.
Megjithëse ka qenë e nominuar edhe tri herë të tjera, një herë në vitin 2023 dhe dy herë në vitin 2019 Bebe Rexha nuk ka arritur asnjëherë që të fitojë një “Grammy” deri më tani në karrierën e saj.
Sado që kjo e ka lënduar këngëtaren duke mos e bërë të ndjehet e vlerësuar, ajo ka qëndruar e motivuar duke publikuar në llogarinë e saj në Instagram disa fotografi ku kishte shkruar “Unë jam çmimi”, shkruan Reporteri.net.
Ajo gjithashtu publikoi në ‘‘chatin’’ e fansave të saj në Instagram një mesazh zanor, ku thoshte: “Ja pra ku jemi, katër nominime, katër humbje. Por gjithsesi, unë u duka sikur çmim natën e mbrëmshme dhe unë jam vet çmimi”.
